Kigali
startimes

Rayon Sports irahura na Bugesera FC idafite Radou na Saddam bafite ibibazo bitandukanye

Imyidagaduro   Yanditswe na: Dusingizimana Remy 22 October 2019 Yasuwe: 1929

Ikipe ya Rayon Sports irahura na Bugesera FC mu mukino w’umunsi wa 04 wa shampiyona idafite ba myugariro bayo babiri bakina inyuma ku ruhande rw’ibumoso barimo Iradukunda Eric uzwi nka Radou na Nyandwi Saddam bafite ibibazo bitandukanye.



Umutoza wa Rayon Sports,Javier Martinez Espinosa yabwiye abanyamakuru ko aba bakinnyi bombi batari bugaragara ku mukino w’ishyiraniro na Bugesera FC kubera ibibazo bafite birimo ko Saddam nta masezerano afite mu gihe Radou we afite ibibazo bye bwite ariko bijyanye n’imyitwarire mibi.

Yagize ati “Saddam afite ibibazo by’amasezerano, Radou afite ibibazo bye bwite. Gusa mfite umusimbura wabo mwiza uza kumfasha mu mukino”.

Nyandwi Saddam ntarahabwa amasezerano mashya nubwo yari yarabyijejwe n’ubuyobozi bwa Rayon Sports mu ntangiriro z’uyu mwaka w’imikino.

Ku ruhande rwa Iradukunda Eric uzwi nka Radou afite akamenyero kabi ko gukererwa imyitozo ndetse rimwe na rimwe akanasiba ariyo mpamvu atari kumvikana n’umutoza Javier Martinez Espinosa muri iyi minsi.

Ku munsi w’ejo ubwo Rayon Sports yakoraga imyotozo ya nyuma yo kwitegura Bugesera FC, Iradukunda Eric Radou yageze ku kibuga saa kumi n’iminota 34’ (16h34’) mu gihe bagenzi be bari batangiye imyitozo saa cyenda zuzuye (15h00’).

Abandi bakinnyi bashobora kutagaragara ku mukino urahuza Rayon Sports na Bugesera uyu munsi saa kumi n’ebyiri barimo Nshimiyimana Amran ufite akabazo k’imvune na Kakule Mugheni utarazamura urwego.



Nyandwi Saddam na Iradukunda Eric ntibagaragara ku mukino wa Bugesera FC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Impunzi 2 zo mu nkambi ya Mahama zarashwe zigerageza kwinjiza...

Polisi y’u Rwanda yatangaje ko inzego z’umutekano zarashe ku itsinda...
4 July 2020 Yasuwe: 1031 0

Rayon Sports yamaze kwishyura umutoza Javier Martinez Espinosa

Ikipe ya Rayon Sports yamenyesheje FIFA ko yamaze kwishyura amafaranga...
4 July 2020 Yasuwe: 1510 0

Muhawenima na Runigababisha bari bakomeye mu buyobozi bw’abafana ba Rayon...

Umuyobozi w’abafana ba Rayon Sports,Claude Muhawenimana na Mike...
4 July 2020 Yasuwe: 1768 1

Jurgen Klopp yatangaje amakipe 3 azamubiza icyuya mu mwaka w’imikino...

Umutoza wa Liverpool,Jurgen Klopp yatangaje ko mu mwaka w’imikino utaha...
4 July 2020 Yasuwe: 2370 0

Ifoto y’umunsi: KNC na Sadate basangiye nyuma y’iminsi baterana...

Nyuma y’iminsi baterana amagambo,umuyobozi wa Gasogi United,Kakoza Nkuriza...
3 July 2020 Yasuwe: 3945 0

Gasogi United yasinyishije Cassa Mbungo na Kirasa Alain batozaga Rayon...

Ikipe ya Gasogi United yamaze gusinyisha Cassa Mbungo Andre na Kirasa Alain...
3 July 2020 Yasuwe: 923 0