Ikipe ya Real Madrid itaherukaga kugera muri ¼ cya UEFA Champions League yabigezeho isezereye Atalanta ku bitego 4-1 mu mikino yombi mu gihe Manchester City yo yasezereye Borussia Monchengladbach iyitsinze ibitego 4-0 mu mikino yombi.

Sponsored Ad

Ikipe ya Real Madrid ntirasezererwa muri Champions League ifite kapiteni wayo Sergio Ramos guhera muri 2015.

Kuri uyu wa Kabiri tariki ya 17 Werurwe 2021,Real Madrid yatsinze ibitego 3-1 Atlanta bituma igeza ku bitego 4-1 mu mikino yombi cyane ko mu mukino ubanza yari yatsindiye hanze igitego 1-0.

Real Madrid yafunguye amazamu ku munota wa 34 ibifashijwemo na Karim Benzema ku mupira mwiza yahawe na Luka Modric.

Mu gice cya kabiri,Sergio Ramos yatsindiye Real Madrid igitego cya kabiri ku munota wa 60 kuri Penaliti yabonetse nyuma y’aho Vinicus Jr yategerwaga mu rubuga rw’amahina na Rafael Toloi.

Ku munota wa 83 w’umukino,ikipe ya Atalanta yabonye igitego kuri Coup Franc yatewe na Luis Muriel.

Ku munota wa 84 w’umukino,Real Madrid yatsinze igitego cya 3 gitsinzwe na Marcos Asensio.

Mu mukino ubanza wa Champions League,Real Madrid yatsinze Atalanta igitego 1-0,cyatsinzwe Ferland Mendy.

Ku rundi ruhande, Ikipe ya Manchester City yatsinze Borussia Monchengladbach ibitego 2-0 byatsinzwe na Kevin De Bruyne ku munota wa 12 na Ilkay Gundogan ku munota wa 18.

Izi Kipe zombi zigeze muri ¼ cy’irangiza ziyongereye kuri PSG,Borussia Dortmund,FC Porto na Liverpool.