Kigali

Rutanga yemereye igihembo kidasanzwe Mirafa wakinnye neza bikabahesha intsinzi

Imyidagaduro   Yanditswe na: Dusingizimana Remy 9 October 2019 Yasuwe: 2856

Kapiteni wa Rayon Sports,Rutanga Eric, yishimiye birenze mugenzi we bakinana Nizeyimana Mirafa waraye ateye umupira wo mu bitabo bigatuma batsinda AS Kigali ibitego 2-0,atangaza ko araza kugabana nawe agahimbazamusyi ke.



Rutanga wari umaze iminsi yikomwa n’abafana ba Rayon Sports kubera ko we n’iyi kipe batitwaraga neza,yishimiye kubona amanota 3 ya mbere ariko anakomeye muri shampiyona bituma yiyemeza kugabana na Nizeyimana Mirafa agahimbazamusyi arahabwa kuko uyu mukinnyi wo hagati yahinduye byinshi cyane mu mikinire y’iyi kipe.

Rutanga yabwiye abanyamakuru ati “Mirafa 100% ni we wahinduye umukino wacu, hagati we na Commodore bakoze neza, niyo mpamvu njye ku gahimbazamusyi kanjye hari icyo ndi bumuhe. Mirafa ndamushimira, ndamushimira kuko n’ubundi unshimishije ndamushimira kuko n’ikipe ni njyewe iba iri ku mutwe, iyo dutsinzwe ni njye batuka.”

Uretse Rutanga,buri muntu wese warebye uyu mukino Rayon Sports yatsinzemo AS Kigali ibitego 2-0,yashimye ubuhanga budasanzwe bwa Mirafa ndetse n’umutoza Martinez yavuze ko yamushimiye cyane.

Rayon Sports yari imaze iminsi yitwara nabi,yaraye iruhije cyane AS Kigali yari imaze kuyibabaza kabiri kikurikiranya,iyitsinda ku munsi wa kabiri wa shampiyona ibitego 2-0 byatsinzwe na Mugisha Gilbert na Micheal Sarpong kuri penaliti.


Mirafa utahabwaga umwanya ubanza mu kibuga yaraye afashije Rayon Sports bishimisha Rutanga na bagenzi be

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Aubameyang yahungabanyije ubuyobozi bw’ikipe ya Arsenal

Ibibazo bya Arsenal bikomeje kwiyongera kuko kapiteni wayo Pierre-Emerick...
7 December 2019 Yasuwe: 2333 0

Umutoza FC Barcelona yateje urujijo kubera ibyo yavuze ku gusezera umupira...

Umutoza wa FC Barcelona, Ernesto Valverde yabwiye abanyamakuru ko abakunzi...
7 December 2019 Yasuwe: 1840 0

Chelsea yakuriweho ibihano byo kugura abakinnyi yiyemeje gushora akayabo...

Ikipe ya Chelsea FC yaraye igabanyirijwe ibihano yemererwa kugura abakinnyi...
7 December 2019 Yasuwe: 903 0

Bayingana wayoboraga FERWACY na komite ye yose beguye ku mirimo...

Amakuru agera ku Umuryango n’uko ,mu ijoro ryo kuri uyu wa 6 Ukuboza 2019,...
7 December 2019 Yasuwe: 2372 0

Sugira Ernest yitangiye umuryango we aburizamo itezwa cyamunara ry’inzu ya...

Umukinnyi ukina nka rutahizamu mu ikipe ya APR FC ndetse no mu ikipe...
7 December 2019 Yasuwe: 4153 0

Ikipe ya Chelsea yari imaze iminsi mu bihano yongeye gukomorerwa kugura...

Ikipe ya Chelsea ubu yemerewe gusinyisha abakinnyi bashya muri Mutarama...
7 December 2019 Yasuwe: 682 0