Urwego rw’Igihugu rushinzwe iterambere (RDB) rwatangaje ko rwafashe icyemezo cyo gusubiza mu gitabo cy’amasosiyete, sosiyete yitwa HEZA BEACH RESORT, nyuma y’uko yari yarakuweho mbere.

Iri tangazo ryasohotse kuwa 12 Mata 2026, rikaba rishingiye ku itegeko rigenga amasosiyete mu Rwanda, riteganya uburyo sosiyete ishobora gusubizwa mu gitabo iyo hari impamvu zifatika.

Amakuru agaragaza ko iyi sosiyete yari yarakuwe mu gitabo ku wa 19 Gicurasi 2023, ariko isubizwaho bisabwe na Etienne NZITATIRA, ufite inshingano z’umuyobozi (Director) wayo.

Impamvu yatanzwe ni uko, nubwo yari yarakuweho, sosiyete yari igikomeje ibikorwa byayo cyangwa hari izindi mpamvu zatumaga igomba gukomeza kubaho mu buryo bwemewe n’amategeko.

RDB yasabye umuntu wese waba afite inzitizi cyangwa utavuga rumwe n’iki cyemezo, kubigaragaza mu nyandiko mu gihe kitarenze iminsi 30 uhereye ku itariki iri tangazo ryatangarijweho. Ibyo birego bigomba kuba bisobanutse kandi biherekejwe n’ibimenyetso bifatika.

Abifuza gutanga ibirego bashobora kubinyuza kuri email cyangwa bakabigeza ku biro bya RDB.

Hatangajwe kandi ko uzaba atatanze igitekerezo cyangwa ikirego muri iyo minsi 30, bizafatwa nk’aho yemeye isubizwaho ry’iyo sosiyete.