Mu mafoto yaciye ibintu uyu munsi turasangamo agaragaza abagore bafashwe biba inzoga bakazihisha mu makariso bambaye n’amafoto yaciye ibintu ku mbuga nkoranyambaga zitandukanye zirimo instagram.

Camera zicunga umutekano mu iguriro ‘Supermarket’ yitwa Sagacité iherereye mu Mujyi wa Kigali rwagati, zagaragaje abagore babiri bibyemo ibicuruzwa birimo inzoga zihenze zirimo Martins igura ibihumbi 56 Frw, arihisha mu ikariso. Ndetse n’undi mugenzi we aragaruka afata Handas rigura ibihumbi 70 Frw, arihisha mu ikariso yambaye.

Aba bagore uko babiri ngo bagaragaje ko Atari inshuro ya mbere bakoze kano kazi ko kwiba ibintu mu masoko kuko umwe yabanzaga akajya kugomesha umuntu wishyuza undi akajya kureba icyo ashaka gihenze akagihisha akagaruka undi nawe akamusigariraho akajyenda nawe agahisha icyo ashaka,

Nyir’ iri guriro uzwi nka Mourice yavuze ko bakibura izo nzoga yaketse ko ari abakozi be bazibye.

Ati” “Baje mu gitondo bajijisha bigize nk’abakiriya noneho umwe ajijisha umukozi bahasanze akajya kumwereka ibicuruzwa amubaza ibiciro, undi ajya kwiba inzoga azihisha hagati y’amaguru nyuma arangije yaragarutsena mugenzi we ajya kwiba indi.” Akomeza avuga ko ku munsi ukurikira ari bwo bagenzuye ibyo camera zafashe zibereka amashusho y’uburyo abo bagore babibye inzoga bakazishyira mu makariso bari bambaye.

Reba amafoto atandukanye yaciye ibintu ku mbuga nkoranyambaga zitandukanye zirimo Instagram urubuga kuri ubu rushyirwaho amafoto atandukanye agaragaza ubuzima bwa bimwe mu byamamare buba burimo umunsi ku munsi.