Umuhanzi Diamond Platnumz na mugenzi we, Rayvanny bombi bakorera umuziki muri Wasafi label ya Diamond bagaragaye bafunze umwe mu mihanda yo hafi n’iposita mu mujyi wa Dar Es-Salaam.

Aba bahanzi bagaragaye ku munsi w’ejo kuwa 28 Ukwakira 2018 ku gicamunsi bafunze umuhanda kubera imodoka zihenze bari bahagaritse mu muhanda rwagati bivugwa ko bari barimo gufata amashusho y’indirimbo yabo nshya.

Abari hafi yaho ibi byabareye bavuga ko imihanda yo hafi aho muri aka gace yari yafunzwe mu rwego rwo kugira ngo aba bahanzi bakore ibyabo nta nkomyi.