Kuri uyu wa Mbere muri Convention Centre Police y’u Rwanda yazamuye ibendera ry’umuryango w’ibihugu bivuga ururimi rw’Icyongereza, nk’uko biteganyijwe ko inama y’uyu muryango izabera mu Rwanda muri Kamena 2020.

Sponsored Ad

Police y’u Rwanda mu rwego rwo kwizihiza umunsi mpuzamahanga w’umuryango w’ibihugu bivuga ururimi rw’Icyongereza, yazamuye idarapo ry’uyu muryango. Ibi byabereye muri Kigali Convention Centere, niho biteganyijwe ko iyi nama izabera.

Minisitiri w’ububanyi n’amahanga n’ubutwererane Nyakubahwa Dr. Vincent Biruta, abinyujije ku rukuta rwe rwa Twitter yagize ati”Uyu munsi u Rwanda rwifatanyije n’abasaga miliyari 2.4 bahuriye mu muryango wa Commonwearth mu rwego rwo kwizihiza umunsi wahariwe umuryango w’ibihugu bivuga ururimi rw’Icyongereza, mu rwego rwo gukomeza kongera ubukire, ubufatanye ndetse n’ubumwe. Umunsi mwiza wa Commonwearth.”

Nk’ubutumwa bw’umunsi, umunyunyamabanga mukuru w’umuryango wa Commonwerth Mme Rt Patricia Scotland, yageneye abanyamuryango yagize ati”Mu gihe abahagarariye ibihugu byabo na za guverinoma mu nama ya Commonwearth izabera mu Rwanda muri uyu mwaka, dushobora kubitegaho byinshi birimo kwemeranya ku bufatanye n’imikorere mishya kuri buri gikorwa harimo; Imiyoborere ishingiye kuri demokrasi, Guteza imbere umugore ndetse n’Urubyiruko.”

Biteganyijwe ko tariki mu Cyumweru cya tariki ya 22 Kamena I Kigali mu Rwanda hazateranira inama ikomeye y’abahagarariye ibihugu byabo na za goverinoma, bo mu muryango mpuzamahanga w’ibihugu bivuga ururimi rw’Icyongereza.