Mu gihe mu Rwanda n’isi yose bibuka ku nshuro ya 24 Jenoside yakorewe abatutsi muri Mata 1994 ,Ndayisaba Fabrice foundation na Nyampinga w’ u Rwanda 2018 Iradukunda Liliane bakoze urujyendo rwo kwibuka abana ndetse n’abandi banyarwanda biciwe muri Jenoside yakorewe Abatutsi mu 1994.
Igikorwa cyo kwibuka cyabimburiwe n’ urugendo rwatangiriye kuri Eto Kicukiro rukagera i Nyanza ya Kicukiro ku rwibutso rwa Jenoside mu rwego rwo kwibuka Abatutsi biciwe Nyanza ya Kicukiro basaga ibihumbi bitanu (…)

Mu gihe mu Rwanda n’isi yose bibuka ku nshuro ya 24 Jenoside yakorewe abatutsi muri Mata 1994 ,Ndayisaba Fabrice foundation na Nyampinga w’ u Rwanda 2018 Iradukunda Liliane bakoze urujyendo rwo kwibuka abana ndetse n’abandi banyarwanda biciwe muri Jenoside yakorewe Abatutsi mu 1994.

Igikorwa cyo kwibuka cyabimburiwe n’ urugendo rwatangiriye kuri Eto Kicukiro rukagera i Nyanza ya Kicukiro ku rwibutso rwa Jenoside mu rwego rwo kwibuka Abatutsi biciwe Nyanza ya Kicukiro basaga ibihumbi bitanu ,hakarokoka abatarenga 100 ibi byatangajwe n’ umukozi w’ urwibutso ubwo yaganirizaga abana bafashwa niyi Foundation ndetse n’abari babaherekeje mu gikorwa bakoze cyo kwibuka no kunamira abana ndetse n’abandi banyarwanda biciwe muri Jenoside yakorewe Abatutsi mu 1994.

Mu mpanuro aba bana bahawe kuri uyu munsi bakanguriwe kwirinda buri muntu wese babashyiramo ingengabitekerezo ya Jenoside anakangurirwa gukunda amasomo yabo bakirinda ibyabarangaza mu rwego rwo kwiyubakira igihugu kibereye buri munyarwanda.

Nyampinga w’ u Rwanda Iradukunda Liliane yabwiye abana ko ari bo Rwanda rw’ejo abasaba kwiga cyane kugira ngo bazagire ubushobozi bwo kwiyubakira igihugu kibabereye ,abasaba kwirinda icyasubiza igihugu mu mateka mabi nk’ayo cyanyuzemo mu myaka 24 ishize.