skol
Fortebet

Reba umwana udasanzwe wari umukobwa nyuma ahindurirwa igitsina abifashijwemo na Mama we(AMAFOTO)

Ad Restricted   Yanditswe na: Martin Munezero 6 October 2017

Umubyeyi witwa Mienna wo mu mujyi wa St Albans mu gihugu cy’Ubwongereza yafashije umwana we wavutse ari umukobwa kumuhindurira igitsina agirwa umuhungu nk’uko uyu mwana we yabyifuzaga.

Mienna asobanura ko uyu mwana we ariwe wamuteye gutuma amuhindurira igitsina kuko yangaga kwitwa umukobwa ndetse agahora yigunze kubera iyi mpamvu akanga kwambara imyenda y’abakobwa.

Uyu mugore avuga ko umwana we yararaga akanuye bugacya yarabuze ibitotsi kubera kwitwa umukobwa, akomeza avuga ko yakuriye mu bana b’abahungu benshi mu gace batuyemo akaba aribo bakinaga.

Nyuma yo kubona ko umwana we ashaka kuba umuhungu yabiganirije umugabo we nawe ashyigikira ko ahindurirwa igitsina.

Mienna yemeza ko mu kubikora yabanje gutekereza ko abantu bazavuga ko yashatse guhinduza igitsina cy’umwana we kugira ngo abone umuhungu dore ko asanzwe afite undi mwana w’umukobwa w’imyaka 13.

Umuganga wahinduye igitsina cy’uyu mwana avuga ko ariwe muntu wa kabiri ukiri muto yabashije guhindurira igitsina.

Aha Talia yari afite amezi 18 y’amavuko akiri umukobwa

Uyu mwana yavutse ari umukobwa afite izina rya Talia, hashize igihe ahinduriwe igitsina yasabye nyina ko yahindurirwa n’izina akitwa Dexter.

Talia ntiyanyurwaga no kwambara imyenda y’abakobwa, aha yari afite imyaka 3 ari nabwo yahinduriwe igitsina

Uyu mubyeyi yagiye ku ishuri abiganirizaho mwarimu we arabyemera ndetse batangira kumushyira mu cyiciro cy’abahungu n’ubwo uyu mwana yabanje guhura n’imbogamizi zo kwangirwa n’abahungu kujya mu bwiherero bwabo n’abakobwa bikaba uko bakamwangira.

Ubu Talia yahinduriwe igitsina asigaye yitwa Dexter, aha afite imyaka 6 aranezerewe ndetse ntaho atandukaniye n’umuhungu ufite imyaka 6.

Mienna akomeza agira ati " umwana wanjye yigeze kumbaza niba azashinga urugo akabasha no kubyara, ariko ibi ntibizashoboka n’ubwo yakitwa umugabo ariko imisemburo imurimo ni iya kigore.

Sinzi niba ndi mu makosa, ndatekereza ko umubyeyi uwo ariwe wese yakifuza kubona umwana we yishimye, kugeza ubu aranyuzwe kuko yambara imyenda ashaka y’abahungu kandi akaba ari uwo yaharaniye kuba."

Mienna ateruye umuhungu we Dexter

Ese wowe ubibona ute ? uyu mubyeyi yakoze amakosa cyangwa nawe wabikora ubisabwe n’umwana wawe kugira ngo umuhe ibyishimo ?

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


  • chat_bubble donata

    Hhhmmm ubwose koko niba yaranyuzwe nukwitwa umuhungu aho azanyurwa nokutazigera yitwa paoa fulani? Kwitwa umuhungu ndumva atarukwambara ipantaro gusa harikindi bgituma agomba kwitwa umugabo nuko yaba arumugabo w’umugore akitwa papa wabana # jyendumva nyina yaramukururiye umubabaro wigihe kirekire

    May 2018
  • chat_bubble

    This is devil’s work! Abantu bihaye gukosora Imana kandi ariyo yabaremye, bazabyicuza bidafite igaruriro kandi iherezo ryabo ni ukurimbuka!

    October 2017
  • chat_bubble Jean de Dieu Rundura

    Yooooohhhh!!!!Imana ntize yigere imuharira kuko yarayipinze pee!kandi ndazi ko uyu mubyeyi azicuza,kuko ngira niba wumvise ko umwana wamubajije ko niba azorongora kand akanabyara?Imana itugirire imbabazi kuko tutazi ivyo dukora!

    October 2017
  • chat_bubble laura

    hello! uwo mubyeyi yakoze amakosa atabaho kdi dore n umwana atangiye kumubaza niba nashaka azabyara!
    ntago umwana w amezi 18 yakwifatira icyemezo ku bintu bihambaye gutyo. izo aba ari caprices.
    iyo amureka akajya yiyambarira gihungu se?!
    thx.

    October 2017
  • chat_bubble

    Gukosa gusa se ahubwo???

    October 2017
  • chat_bubble Damien

    Yakoze Amahano Kuko Uwo Mwana Ntanakimwe Aricyo. Kuko Si Umuhungu Kd Si Umukobwa.

    October 2017
  • chat_bubble

    Mwo Dufash Mugasigura Neza Ukuntu Vyoshoboka Uvutse Urumukobwa Munyuma Ugacika Umukobwa? Ntibisiguritse Nagato Ivyo Nububeshi!

    October 2017
  • chat_bubble DODI

    Mwaramutse neza,yakoze amakosa rwose ,yakagombye kumuganiriza amwereka ko uwo ariwe ariwe mwiza kuruta gukora ibyo umwana yifuza.murakoze

    October 2017

Inzindi nkuru

Hagaragajwe ubusumbane bukabije mu ikwirakwiza ry’inkingo za...

Ishami ry’Umuryango w’Abibumbye ryita ku Buzima (OMS), ryagaragaje ubusumbane...
10 April 2021 0

Nyanza:Tuyizere Xavier ufite abana 3 na Mayira Thierry baguye mu mwobo...

Kuri uyu wa Gatanu ahagana saa Tatu z’igitondo, abagabo babiri bo mu Murenge...
10 April 2021 4

AU yahagaritse kugura inkingo za AstraZeneca ijya mu biganiro byo kugura...

Umuryango wa Afurika yunze Ubumwe wahagaritse gahunda yo kugura inkingo za...
10 April 2021 0

Nyakabanda:Ikosa rimwe gusa ryari ritumye ahira munzu n’abaturanyi be...

Umusore w’ingaragu wibana utuye mu Mudugudu wa Gapfupfu, Akagali ka...
10 April 2021 0

Bamporiki Edouard yasabye urubyiruko kumenya u Rwanda bakaruzirikana mu byo...

Umunyamabanga wa Leta muri Minisiteri y’Urubyiruko n’Umuco, Bamporiki...
10 April 2021 0

Kaminuza y’u Rwanda yatangaje igihe umwaka w’amashuli 2020/2021...

Nyuma y’igihe abanyeshuli biga biga muri kaminuza y’u Rwanda bategereje igihe...
10 April 2021 0