skol

Tanzania: Haravugwa ibikorwa by’ihohoterwa ry’abaturage mbere y’amatora y’uyu munsi

Ad Restricted   Yanditswe na: Martin Munezero 28 October 2020

Muri Tanzania, haravugwa ibikorwa b’ihohoterwa ry’abaturage, aho Polisi ivugwaho kurasa abantu icyenda, mu gihe muri iki gihugu kandi havugwa umwuka mubi ushingiye ku matora y’Umukuru w’Igihugu yatangiye mu gitondo cyo kuri uyu wa Gatatu.

Ni amatora abatavuga rumwe n’ubutegetsi bafite impungenge z’uko ashobora kurangwa n’uburiganya, nk’uko Ibiro Ntaramakuru Associated Press byabitangaje.

Abantu 9 barashwe na Polisi biyongera ku bandi babiri Ishyaka CHADEMA ritavuga rumwe n’ubutegetsi bwa Tanzania rivuga ko barashwe mu gihe cy’ibikorwa byo kwiyamamaza mu mujyi wa Nyamongo.

Tundu Lissu uhagarariye ririya shyaka mu matora y’umukuru w’igihugu, yavuze ko yababajwe cyane na ririya raswa, asaba abaturage kwigabiza imihanda basaba ubutabera.

Ishyaka ACT Wazalendo ryo rivuga ko mu ijoro ryo ku wa Mbere w’iki cyumweru mu birwa bya Zanzibar, Polisi yarekuye urufaya rw’amasasu nyuma y’uko abaturage bari bagerageje guhagarika abasirikare gushyira udusanduku tw’itora ku biro by’itora mbere y’igihe cyateganyijwe, abantu 9 barapfa abandi 10 bakomereka bikabije.

Umunyamabanga wa ACT Wazalendo, Pavu Juma Abdalla, yabwiye Associated Press ko ibintu muri Tanzania bishobora kuba bibi, nyuma y’itabwa muri yombi ry’abarenga 100.

Abari btawe muri yombi barimo na Maalim Seif Sharif Hamad uhagarariye ririya shyaka mu matora yo muri Zanzibar wafatiwe ku biro by’itora ejo ku wa Kabiri, gusa aza kurekurwa.

Aha muri Zanzibar haravugwa umubare munini w’abasirikare n’abapolisi bakoreshaga ibyuka biryana mu maso batatanya abaturage bari bishe amabwiriza yo kuguma mu ngo.

Mu gihe abatavuga rumwe n’ubutegetsi bwa Tanzania bavuga ko ababashyigikiye bakomeje kwicwa, Umuyobozi Mukuru wa Polisi ya kiriya gihugu, Simon Sirro, yavuze ko nta muntu n’umwe wigeze araswa.

Polisi ya Tanzania ivuga ko yamaze guta muri yombi abantu 72 bazira kwangiza ibikoresho byo ku biro by’itora.

Ku rundi ruhande Ravina Shamdasani, Umuvigizi w’Ibiro bishinzwe Uburenganzira bwa Muntu mu Ishami ry’Umuryango w’Abibumbye, yavuze ko atewe ubwoba by’umwihariko n’amakuru y’iraswa ryo muri Zanzibar, ati:

Dukomeje guhangayikishwa n’igabanuka ry’umwanya wa demokarasi mu gihugu, hamwe n’amakuru ateye ubwoba yo gutera ubwoba, gutotezwa, gutabwa muri yombi ku bushake ndetse n’ibitero by’umubiri byibasira abatavuga rumwe n’ubutegetsi.

Abatavuga rumwe n’ubutegetsi n’Umuryango uharanira uburenganzira bwa muntu, bavuga ko ishyaka CCM rya Magufuli ryashyizwe hejuru muri ariya matora.

Si ubwa mbere muri Tanzania havugwa iraswa ry’abantu mu gihe cy’amatora. Human Rights Watch ivuga ko mu matora yo muri 2001 abantu bagera kuri 35 bararashwe abandi basaga 600 barakomereka, ubwo bamaganaga ibyavuye mu matora bavugaga ko yaranzwe n’uburiganya.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Hagaragajwe ubusumbane bukabije mu ikwirakwiza ry’inkingo za...

Ishami ry’Umuryango w’Abibumbye ryita ku Buzima (OMS), ryagaragaje ubusumbane...
10 April 2021 0

Nyanza:Tuyizere Xavier ufite abana 3 na Mayira Thierry baguye mu mwobo...

Kuri uyu wa Gatanu ahagana saa Tatu z’igitondo, abagabo babiri bo mu Murenge...
10 April 2021 1

AU yahagaritse kugura inkingo za AstraZeneca ijya mu biganiro byo kugura...

Umuryango wa Afurika yunze Ubumwe wahagaritse gahunda yo kugura inkingo za...
10 April 2021 0

Nyakabanda:Ikosa rimwe gusa ryari ritumye ahira munzu n’abaturanyi be...

Umusore w’ingaragu wibana utuye mu Mudugudu wa Gapfupfu, Akagali ka...
10 April 2021 0

Bamporiki Edouard yasabye urubyiruko kumenya u Rwanda bakaruzirikana mu byo...

Umunyamabanga wa Leta muri Minisiteri y’Urubyiruko n’Umuco, Bamporiki...
10 April 2021 0

Kaminuza y’u Rwanda yatangaje igihe umwaka w’amashuli 2020/2021...

Nyuma y’igihe abanyeshuli biga biga muri kaminuza y’u Rwanda bategereje igihe...
10 April 2021 0