Umukobwa w’umunyamideli w’imyaka 19 y’amavuko yambitswe ikamba ry’umugore uhiga abandi mu bwiza mu mwaka wa 2020.

Yael Shelbia ukomoka mugihugu cya Isiraheli yashyizwe kuri uyu mwanya ahigitse urutonde rw’abagore 99.

Uru rutonde rw’abagore beza cyane kurusha abandi ku isi rwakozwe na TC Candler izobereye mugukora intonde z’ubwiza ku migabane itandukanye y’isi.

Shelbia niwe wahabwaga amahirwe cyane muri aba bakobwa n’abagore 100 bari bahanganye hashakisha uhiga abandi.

Uyu mukobwa yahataniraga umwanya wa mbere n’umukinnyi w’amafirime wo muri Isiraheli Gal Gadot nibo basaga nkaho bayoboye abandi muri aya marushanwa yashakishaga umugore cyangwa se umukobwa uhiga abandi ku Isi.

Shelbia asanzwe ari umunyamideli wabigize umwuga akurikirwa n’abarenga miliyoni ku mbuga nkoranyambaga ze.