Minisiteri y’Ubuzima ku wa Kane yatangaje ko hari abandi bantu batatu bamaze gukira indwara y’umuriro mwinshi iterwa na virusi ya Marburg, bituma umubare w’abamaze gukira iki cyorezo ugera ku bantu 15.

Indi nkuru nziza kandi ni uko mu bipimo 183 byafashwe nta muntu n’umwe wanduye wigeze agaragara, ikindi nk’uko byari byagenze ku wa Gatatu Marburg ikaba nta muntu yigeze yica.

Kugeza ubu mu cyumweru gishize hatangajwe ko Marburg yagaragaye mu Rwanda, hamaze gufatwa ibipimo 2949.

Ibi bipimo byagaragaje ko mu gihugu hose hamaze kwandura abantu 58, gusa muri bo 13 bakaba barapfuye na ho 30 bakaba bakivurwa.

Mu rwego rwo guhangana n’iriya ndwara mu Rwanda hamaze gukingirwa abantu 346, biganjemo abakora kwa muganga.