Umuyobozi w’ihuriro AFC/M23 rirwanya ubutegetsi bwa Repubulika Iharanira Demokarasi ya Congo, Corneille Nangaa, yagize Busu Bwa Ngwi Nshombo Patrick Guverineri mushya w’intara ya Kivu y’Amajyepfo.

Sponsored Ad

Busu yasimbuye Emmanuel Birato Rwihimba uherutse kugirwa Umuyobozi muri AFC/M23 ushinzwe uburezi, igenamigambi ndetse n’ishoramari.

Busu asanzwe ari umushoramari ukomeye mu ntara ya Kivu y’Amajyepfo ndetse n’umunyapolitiki. Yabaye umuyobozi wa sosiyete zitandukanye z’ubucukuzi bw’amabuye y’agaciro.

Yabaye umunyamuryango w’ishyaka AFDC (Alliance des Forces Democratiques du Congo) ryashinzwe na Modeste Bahati Lukwebo wabaye Perezida wa Sena ya RDC kuva mu 2021 kugeza mu 2024.

Mu mwaka ushize, Busu yiyamamarije kuyobora Kivu y’Amajyepfo nk’umukandida wa AFDC, umwanya wegukanywe na Jean-Jacques Purusi Sadiki.

Busu Bwa Ngwi Nshombo Patrick yagizwe Guverineri mushya wa Kivu y’Amajyepfo Emmanuel Birato yagiye mu mirimo mishya aherutse guhabwa