Polisi yavuze ko abapolisi batandatu bo muri Kenya bishwe n’abakekwaho kuba aterabwoba ba Al Shabab bagabye igitero ku kigo cy’inkeragutabara.

Ku Cyumweru, umuvugizi yatangarije abanyamakuru ko umutwe w’iterabwoba wateye inkambi y’abapolisi i Biyamadhow mu Ntara ya Garissa ku mupaka na Somaliya.

Iki gitero cyabaye mu gitondo cyo ku Cyumweru maze umuvugizi avuga ko “abakekwaho kuba bitwara gisirikare bakoresheje intwaro zitandukanye kugira ngo bigarurire inkambi”.

Polisi yemeje ko iki gitero cyahitanye abantu batandatu. Abandi bantu bane bakomeretse bajyanwe mu bitaro nk’uko iyi nkuru dukesha Reuters ivuga.