Alpha Rwirangira na AY bari mu gahinda ko kubura sekuru witabye Imana mu ijoro rishyira ku wa 2 Nzeri 2025, afite imyaka 103 y’amavuko.

Alpha Rwirangira usigaye atuye muri Canada, abinyujije ku rubuga rwe rwa Instagram yagize ati “Kugeza igihe tuzongera kubonanira mu bundi buzima Babu.”

Ni mu gihe AY we abinyujije ku rukuta rwe rwa Instagram yagize ati “Ruhukirira mu Mahoro, dawe nkunda... Imana yaguhaye imyaka 103 yo kubaho... Ni umugisha ukomeye kuri wowe no kuri twe... Nzagutekereza kugeza igihe tuzongera guhura."

Uyu musaza watabarutse yari umubyeyi wa se wa Alpha Rwirangira, ni mu gihe ku rundi ruhande yari umubyeyi wa nyina wa AY.