Perezida w’Inteko Ishinga Amategeko ya Leta Zunze Ubumwe za Amerika, umutwe w’abadepite, Mike Johnson, yemeje ko barimo gukora iperereza ku itangazwa ry’inyandiko z’ibanga zivuga ku isuzuma rya Amerika kuri gahunda ya Israel yo gutera Irani .

Sponsored Ad

Izo nyandiko zatangajwe ku mbuga za internet mu cyumweru gishize, ndetse zivugwa ko zisobanura amashusho y’icyogajuru agaragaza Israel yimura ibikoresho bya gisirikare mu kwitegura gusubiza igitero cya misile cya Irani cyo ku itariki ya mbere Ukwakira 2024.

Izo nyandiko, zanditseho ko ari ibanga rikomeye, zahererekanyijwe mu ihuriro ry’ibihugu bitanu bihanahana amakuru y’ubutasi rizwi nka Five Eyes, rigizwe na Leta Zunze Ubumwe za Amerika, u Bwongereza, Canada, New Zealand (Nouvelle-Zélande) na Australia, nkuko bitangazwa na CBS.

Israel imaze ibyumweru irimo gufata icyemezo ku kuntu n’igihe izasubiza kuri icyo gitero cya misile Irani iherutse kuyigabaho nubwo Irani yijeje gukora ibirenze Israel nigerageza kwihorera.