Abo mu butegetsi bwa Amerika batangaje ko bari buteganya kwimurira muri Centrafrique abimukira bo muri Iran no mu bindi bihugu.

Aba bimukira barimo abagore babiri bashobora guhita bahanwa cyangwa bagakorerwa iyicarubozo muri Iran.

Umunyamategeko wabo, Emily Trostle, yavuze ko umwe ari umukiristu undi akaba impirimbanyi ya demokarasi.

Minisiteri y’Ububanyi n’Amahanga na Perezidanse ya Centrafrique nubwo baheruka gusinya amasezerano yo kwakira abimukira, ntibagize icyo bavuga kuri iyi nkuru.

Aba bagore bombi bafunzwe bakigera muri Amerika ariko umucamanza afata icyemezo cyo kutabasubiza iwabo kuko byagaragaye ko hari ibyago birenga 50% by’uko bakorerwa iyicarubozo.

Abahaye amakuru Reuters bavuze ko indege ya mbere itwaye aba bimukira ishobora guhaguruka ku wa 11 Kamena 2026, itwaye 20 barimo Abanya-Afghanistan, Abanya-Syria n’abandi.