Mu minsi ishize, nibwo byatangajwe ko Perezida Biden yemeye kutazahagararira ishyaka y’Abademokarate arinaryo abarizwamo nyuma y’igitutu yokejwe n’abo mu ishyaka rye.

Sponsored Ad

Mw’Ijambo yavugiye mu biro byo muri Maison Blanche byitwa “Oval Office” abakuru b’iki gihugu bakunze gutangiramo ubutumwa ku gihugu mu bihe bidasanzwe yavuze ko impamvu yakuyemo akarenge ari impamvu yo guharira abakiri bato no kubaha ibiro bye.

Yagize ati: “Nubaha cyane ibi biro, ariko kandi nkunda igihugu cyanjye kurushaho.George Washington yatweretse ko abaperezida atari abami. Abami n’abakoresha igitugu si bo bategeka, ni mwe rubanda mufite ubutegetsi.”

Icya kabiri cyamuteye kwegura mu matora, ni ejo hazaza ha Amerika. Ati: “Nafashe icyemezo cyo kubisa abakiri bato mu nyungu z’igihugu.

Yasobanuye ko ngo hari umwanya n’igihe bigera kugira ngo humvikane amajwi mashya, amajwi y’abakiri bato. Aha yavuze ko Harris wamusimbiye azabishobora.

Perezida Biden yashimagije kandi Visi-Perezida we, uzamusibura ku mwanya wa kandida w’ishyaka ry’Abemokarate mu matora y’umukuru w’igihugu muri aya majambo

Ati" Ndashimira Visi-Perezida wacu w’igitangaza Kamala Harris. Arakaze. Afite ubunarirobonye. Arashoboye. Dukorana neza mu nyungu z’igihugu. None rero ubu, amahitamo ni ayanyu mwebe baturage b’Amerika.”

Biden avuga ko byamubereye ishema kubakorera imyaka hafi 50. Ati: “None rero, Amerika igomba guhitamo kujya imbere cyangwa gusubira inyuma. Hagati y’ibyiringiro n’urwango. Hagati y’ubumwe na gatanya.”

Biden yatowe bwa mbere kuba umusenateri yo ku rwego rw’igihugu mu bari bahagarariye leta ya Delaware afite imyaka 29 y’amavuko. Yagumye muri uyu mwanya imyaka 36 kuva mu 1973 kugera kw’itariki ya 15 y’ukwa mbere 2009.

Mu myaka umunani yakurikiyeho, kuva kw’itariki ya 20 y’ukwa mbere 2009 kugera kw’itariki 20 y’ukwa mbere 2017 yari Visi-Perezida wa Repubulika.