Muri Bangladesh, ihohoterwa risa nkaho ryakwirakwiye, nyuma y’aho ku wa Kane tariki ya 18 Nyakanga, imbaga y’abanyeshuri yari yarakaye yashoboye gusubiza inyuma abapolisi mu myigaragambyo yo kwamagana ibipimo bigabanya amahirwe yo kubona akazi ijyanye n’ishyirwa mu mirimo rusange.

Sponsored Ad

Kuri uyu wa Gatanu, tariki ya 19 Nyakanga 2024, abapolisi babujije ko haba abantu benshi bateranira hamwe mu murwa mukuru Dhaka bavuga ko bafashe umwe mu bayobozi bakuru batavuga rumwe n’ubutegetsi maze bahagarika interineti.

Bangladesh ntishyikirana n’ibindi bice by’Isi. Kuri uyu wa Gatanu, abaturage babyutse badafite interineti, basanga inyubako za Leta zatwitse, mu gihe habaye imirwano hagati y’abapolisi n’abanyeshuri, inzu za televiziyo zafashwe n’inkongi y’umuriro. Kuri uyu wa Gatanu, abapfuye bagera kuri 50, hashingiye ku mibare yatanzwe n’ibitaro byo mu gihugu hose.

Kuri uyu wa Gatanu kandi abanyeshuri bigaragambyaga mu karere ka Narsingdi rwagati muri Bangladesh bateye gereza maze babohora imfungwa amagana mbere yo kuyitwika, nk’uko umupolisi yabitangarije Ibiro Ntaramakuru by’Abafaransa (AFP). Umupolisi yagize ati: “Abagororwa bahunze gereza maze abigaragambyaga batwitse inyubako. Sinzi umubare w’abafunzwe, ariko byaba ari magana.”

Abapolisi ba Bangladesh babujije abantu guteranira mu murwa mukuru Dhaka bavuga ko bafashe Ruhul Kabir Rizvi Ahmed, umwe mu bayobozi bakuru batavuga rumwe n’ubutegetsi.

Umuvugizi wa polisi, Faruk Hossain, yatangaje ko uwafashwe ari umwe mu bayobozi b’ishyaka rikomeye ry’abatavuga rumwe n’ubutegetsi bwa Bangladesh (BNP), kandi ko atatanze ibisobanuro birambuye ku mpamvu zatumye atabwa muri yombi.

Kuva mu ntangiriro za Nyakanga, abanyeshuri bigaragambije bavuga ko binubira ko kimwe cya gatatu cy’imirimo ya Leta kigenerwa abakomoka ku barwanyi b’impinduramatwara. Ku ikubitiro mu mahoro, imyigaragambyo yahuye n’abapolisi n’imitwe ishyigikiye Guverinoma.

Umunyamakuru wa Radiyo Mpuzamahanaga y’Abafaransa Nicolas Rocca yagize ati: “Kuri uyu wa Gatanu, igitutu cyakomeje, hari amajwi ya gerenade, amasasu inyuma y’idirishya ryanjye. “

Umunyeshuri muri kaminuza ya Dhaka, yabaga mu muhanda buri munsi muri iki cyumweru. Asobanura ko imyigaragambyo y’amahoro, yagiye ihindura ishusho.

Ati: “Twasabwe gutatana no guterana aho bishoboka. Ndetse na mbere yuko itangira, abapolisi baraduteye, batera ibyuka biryana mu maso, bituma duhunga.

Akomeza avuga ko imbunda nini za Guverinoma zibasira abantu bose nta kurobanura kandi zidatanga agahenge. Iyo Guverinoma yigenga, irwanya demokarasi igomba kwegura. Niba abaturage babishaka, barashobora guhirika Leta. Igihe kirageze.”

Ni mu gihe ku wa Kane, imirwano ikaze yakomerekeje nibura abapolisi 104 n’abanyamakuru 30, nk’uko byatangajwe na televiziyo yigenga. Bitangazwa kandi abantu 702 bakomeretse muri iyi mirwano yabaye hagati y’abapolisi n’abanyeshuri begaragambije mu turere 26 kuri 64 tw’igihugu.

Amakuru aheruka kandi avuga ko hakomeje urugomo rw’abigaragambyaga, kandi ku wa Kane, videwo yerekanaga ko abashinzwe umutekano badashobora kugenzura imbaga y’abigaragambyaga. Hatariho interineti kandi hafi ya terefone, biragoye gukora ibarura ryuzuye cyangwa gutanga isuzuma ryabantu. Ikizwi ni uko urugendo rwarenze icyifuzo cyonyine cyo kwishyiriraho.

Mu gihe cy’imyaka cumi n’itanu, igihugu kiyobowe na Sheikh Hasina, umukobwa w’uwashinze icyo gihugu. Yacecekesheje abatavuga rumwe n’ubutegetsi none bibanda ku kunegura abigaragambyaga.

Kuri uyu wa Gatatu, Minisitiri w’Intebe yamaganye “ubwicanyi” bw’abigaragambyaga mu kiganiro kuri televiziyo anizeza ko ababifatirwamo bazahanwa batitaye ku ibara rya politiki. Ariko ntibyari bihagije. Ihohoterwa ryakomeje kwiyongera, abapolisi barasa ku bigaragambyaga biyemeje kwifashisha amasasu.