Joe Biden urwaye cancer ya prostate, ari gukorerwa ubuvuzi bwo kuyishiririza kugira ngo idakwira ibice byinshi by’umubiri.

Cancer Biden arwaye yagaragaye muri Gicurasi uyu mwaka. Ubuvuzi ari guhabwa byitezwe ko buzamara ibyumweru bitanu nk’uko umuvugizi we yabitangaje. Yari amaze iminsi afata imiti yongera uturemangingo dufasha mu guhangana na cancer.

Ubwo abaganga batahuraga ko Biden arwaye cancer, baje gutungurwa n’uko basanze yihuta cyane mu mubiri we ku buryo yari imaze no gukwira mu magufa. Uyu mugabo yavuye ku nshingano zo kuyobora Amerika muri Mutarama uyu mwaka nyuma y’igihe ubuzima bwe bwibazwaho.

Ubwo byatahurwaga ko arwaye, yavuze ko afite icyizere cyo kuzatsinda iyi ndwara.

Mu kwezi gutaha, Biden azuzuza imyaka 83.

Mu Nzeri, yarabazwe kugira ngo mu mubiri we hakurwemo uturemangingo twanduye kanseri.