Donald Trump, perezida uherutse gutorwa muri Leta Zunze Ubumwe za Amerika yatangaje ko hari inama iri gutegurwa hagati ye na Perezida Vladimir Putin wa Russia.

Sponsored Ad

Mu magambo yavuze ku kigo cye cya Mar-a-Lago muri Florida, Trump yagize ati: “Yifuza guhura nanjye kandi turimo kubitegura.”

Nubwo nta gihe ntakuka yatangaje ku bijyanye n’igihe iyo nama izabera, Trump yavuze ko ibiganiro bigamije kugera ku masezerano y’amahoro.

Trump yagiye agaragaza ko azakora ibishoboka byose kugira ngo ahagarike intambara yo muri Ukraine nyuma y’uko abaye Perezida wa Amerika.

Yagiye avuga ko afite gushidikanya ku bijyanye n’ubufasha bwa gisirikare n’ubwa mafaranga Leta Zunze Ubumwe za Amerika ziri guha Ukraine.

Umugambi wa Trump wo guhura na Putin ukomeje gukurikiranwa n’amahanga cyane cyane bitewe n’uko urwego rw’umubano wa Amerika n’Uburusiya rwagiye rwangirika mu bihe byashize. Abanyapolitiki batandukanye ku isi bategereje kureba uko uru rugendo ruzagenda.