Mu gitondo cyo ku wa kabiri taliki 20 Gicurasi 2025, Edward Ssebuufu uzwi cyane ku izina rya Eddie Mutwe, nibwo yatoboye avuga ku mibereho mibi yagize igihe yari mu maboko ya gisirikare, ubwo yari imbere imbere y’urukiko rwisumbuye rwa Masaka avuga ko byamusabaga kunywa ibinini 12 bigabanya ububabare ku munsi.

Sponsored Ad

Mutwe wakoraga nk’umurinzi wa Robert Kyagulanyi, yongeyeho ati: “Ndapfa. Ndumva ububabare bukabije.”

Ati: “Niba bagomba guca amaboko, reka bikorwe ubu kugira ngo mbone amahirwe yo kwivuza kare.”

Mu rubanza rwo ku wa Kabiri Taliki 20 Gicurasi 2025 iburanisha ryaranzwe n’ituze ryinshi ndetse abaregwa bagejejwe mu rukiko barinzwe cyane. Yazanye n’itsinda rimugaragiye ndetse ryiganjemo abanyamategeko barimo, Samuel Muyizzi, Benjamin Katana, na George Musisi, basabye ko abakurikiranyweho ibyaha babanza guhabwa abaganga babitaho kuko ngo bamaze igihe bafunzwe bakorerwa n’iyicarubozo.

Nk’uko dosiye ibashinja ibigaragaza, ushinjwa ngo yaba yarakoze ubujura mu myigaragambyo y’akurikiye ishyingurwa ry’uwahoze ari Depite wa Kawempe, Muhammad Ssegirinya ku ya 24 Mata 2025.

Leta ivuga ko uyu aka gatsiko kakoze ibikorwa birimo kwambura umusivili telefoni igendanwa n’amafaranga mu Karere ka Masaka.

Komisiyo ishinzwe uburenganzira bwa muntu muri Uganda (UHRC) mu ntangiriro z’uku kwezi yashyize hanze itangazo risaba kurekura ku mugaragaro Mutwe, kuko gufungwa kwe bidakurikije amategeko, gusa ibi igisirikare cyabiteye utwatsi.

Biteganijwe ko urubanza ruzasubukurwa kuri uyu wa gatatu aho hari bunagaragazwe raporo z’ubuvuzi zigaragaza uko ubuzima bw’ abaregwa buhagaze.

EDDIE MUTWE: "I take 12 pain killers every day. I’m dying… I feel I’m dying… If they must cut off my arms, let it be done so that I can get some treatment. I’m dying from pain."

Opposition leader Bobi Wine's civilian bodyguard, Edward Ssebuufu, alias Eddie Mutwe, made the… pic.twitter.com/6VNGz5CIQW

— Daily Monitor (@DailyMonitor) May 20, 2025