Umugaba mukuru w’ingabo za RDF, Maj Gen Vincent Nyakarundi, kuri iki Cyumweru yasuye Ingabo z’u Rwanda zishinzwe kubungabunga amahoro muri Repubulika ya Centrafrica.

Sponsored Ad

Maj Gen Vincent Nyakarundi yagiranye ibiganiro n’abapolisi n’abasirikare b’u Rwanda bakorera mu butumwa bwa MINUSCA n’ingabo zikorera mu bufatanye bw’ibihugu byombi hagati y’u Rwanda na CAR ku cyicaro gikuru cya Rwanbatt mu birindiro bya Scatel Mpok.

Yagaragaje ko yishimiye umurava zidasanzwe bagize mu kurinda abaturage baho, akomeza abagezaho amakuru y’uko umutekano wifashe muri rusange mu karere.

Yashimye Ingabo z’u Rwanda ku bwitange zagize, ashimangira ko uruhare rwabo mu kurengera abaturage n’umutungo wabo muri CAR ari indashyikirwa. Yabashishikarije gukomeza gusohoza inshingano zabo mu buryo bwa kinyamwuga kugira ngo basohoze inshingano za Loni ndetse n’amasezerano y’ubufatanye hagati y’ibihugu byombi u Rwanda na Centrafrica.