Komisiyo ishinzwe iperereza mu Burusiya yatangaje ko Lt Gen Fanil Sarvarov wari mu basirikare bakuru muri iki gihugu, yaguye mu gitero cyagabwe i Moscow kuri uyu wa Mbere.

Amakuru dukesha BBC avuga ko yishwe n’igisasu cyatezwe munsi y’imodoka, ndetse hakaba hari gukekwa abashinzwe ubutasi ba Ukraine, nubwo iki gihugu ntacyo kiravuga kuri iki gitero.

Igitero nk’iki cyaherukaga mu Ukuboza 2024 ubwo hicwaga Lt Gen Igor Kirillov wari Umuyobozi w’Ingabo z’u Burusiya zikoresha intwaro kirimbuzi, iz’ibinyabutabire n’izangiza ibinyabuzima. We n’umwungirije baturikanywe n’igisasu i Moscow.

Igisasu cyahitanye Lt Gen Fanil Sarvarov cyari giteze munsi y’iyi modoka