Ikigo cy’Igihugu gishinzwe ibarurishamibare mu Rwanda, NISR, cyatangaje ko ibiciro mu mijyi byiyongereyeho 7,3% ugereranyije na Nyakanga 2024 mu gihe muri Kamena 2025 byari byiyongereyeho 7%.

Muri Nyakanga 2025, ibiciro byiyongereye bitewe ahanini n’ibiciro by’ibiribwa n’ibinyobwa bidasembuye byiyongereyeho 6,4%, ibiciro by’ibinyobwa bisembuye n’itabi byiyongereyeho 12,2%, ibiciro by’ibijyanye n’ubuvuzi byiyongereyeho 70,7%.
Ibiciro by’ibijyanye n’ubwikorezi byiyongereyeho 7% n’ibiciro by’amafunguro n’icumbi byiyongereyeho 20,1%. Ugereranyije Nyakanga 2025 na Nyakanga 2024, ibiciro by’ibintu bitarimo ibiribwa n’ibikomoka ku ngufu byiyongereyeho 7,7%.

Ugereranyije Nyakanga 2025 na Kamena 2025, ibiciro byiyongereyeho 0,1%. Iri zamuka ryatewe ahanini n’ibiciro by’ibijyanye n’ubuvuzi byiyongereyeho 69,6% n‘ibiciro by’ibijyanye n’ubwikorezi byiyongereyeho 2,7%.