Inama y’Abaminisitiri yateranye ku wa Gatanu tariki ya 17 Mutarama 2025, yashyizeho abayobozi bashya mu bigo birimo Inama Nkuru y’Amashuri Makuru (HEC), Ikigo cy’Igihugu Gishinzwe Uburezi bw’Ibanze (REB) ndetse no mu cya NESA gishinzwe Ibizamini n’Ubugenzuzi bw’Amashuri.

Sponsored Ad

Itangazo ry’Ibyemezo by’Inama y’Abaminisitiri ryerekana ko Dr. Edward Kadozi ari we wagizwe Umuyobozi Mukuru wa HEC. Ni inshingano yasimbuyeho Dr. Rose Mukankomeje wari umaze igihe ayobora ruriya rwego.

Itangazo rinavuga ko Dr. Flora Mutezigaju yagizwe Umuyobozi Mukuru Wungirije wa REB, na ho Carlene Seconde Umutoni agirwa Umuyobozi Mukuru Wungirije wa NESA.

Mutezigaju yasimbuye muri REB Dr Mbarushimana Nelson wari Umuyobozi Mukuru wungirije wayo.

Usibye abayobozi ba biriya bigo, Inama y’Abaminisitiri yanashyizeho abahuzabikorwa b’uburezi mu Ntara.

Emmanuel Butera yashyizwe mu ntara y’Iburasirazuba, Augustin Uwimana akazakorera mu ntara y’Amajyaruguru, Christophe Nsengiyaremye agakorera mu ntara y’Amajyepfo, Eric Niyongabo akazaba umuhuzabikorwa mu Mujyi wa Kigali mu gihe Jean de Dieu Ntaganira ari Umuhuzabikorwa mu ntara y’Iburengerazuba.

Ibyemezo byose by’Inama y’Abaminisitiri