Ibitaro bya Muhima byongeye kunengwa serivisi bitanga nabyo bihita bigaragaza noneho impamvu birimo gutanga serivisi icumbagira n’impamvu ibitera.

Sponsored Ad

Abakoresha urubuga rwa X yahoze yitwa Twitter babonye ubutumwa bwanditswe n’umuntu witwa Ndoli ati:” Good evening RwandaHealth Dr Nsanziamana Sabin mutubarize Muhima Hospital ya Nyarugenge ese kuhivuza waje mugitondo ukageza ayamasaha hakiri abantu bangana uku hari abari butahe iyi service bizagenda gute ? Numiwe pe.” Ni ubutumwa bwanditswe ku wa 28 Ukwakira 2024 ku isaha ya saa 8:28 za nimugoroba.

Ibi byahise bituma BWIZA ishakisha inkomoko y’icyaba cyatumye Ndoli yandika ibi kuko twari tuzi neza ko atari we wahawe iyi serivisi,

Uwaganiriye na BWIZA utifuje ko imyirondoro ye ijya ahabona,yagaragaje ko kuri ibi bitaro batanga seivisi mbi,

Ati:” Natangiye kwivuriza kuri biriya bitaro bya Muhima ku wa 21 Ukwakira 2024, kuva uwo munsi mpora mpasiragira ngo mpure na muganga byaranze uragenda bakakubwira ngo uzagaruke warangiza rero ugafata umurongo wo kwishyura kuko birumvika ntiwakwinjira kwa muganga ngo uhave ntafaranga winjije yo nukuri nicaye ku ntebe yo kwishyura saa munani n’igice naraye mpavuye saa yine zijoro kandi ku wa Mbere nzasubirayo kuko nibwo bampaye gahunda.”

Uyu waganiriye na BWIZA kandi akomeza avuga ko ibyo gusiragira byo babyemeye ntakibazo, ariko bagasaba ko ibyo bafashwa ari ukubakiza abasekirite usanga bivanze muri serivisi zimwe na zimwe,akibaza niba baba barahawe akazi ko kuvura kuko usanga baba bababwira nabi cyane akanasaba ko umurongo wo kwishyura nawo bawubakiza.

Ku ruhande rw’Ibitaro bya Muhima bavuga ko serivisi batanga byatewe no kuba Ibitaro bya Nyarugenge bifunze,

Bati:”Mwiriwe neza, abatugana barafashwa uko bikwiriye muri iyi minsi turi kwakira abantu benshi bigatuma habaho kumara umwanya kuko abivurizaga ku bitaro bya Nyarugenge basigaye bamwe baza iwacu. Turi gukora ibishoboka kugira ngo service yihute. Murakoze.”

Si ubwambere ibi bitaro bivugwaho gutanga serivisi mbi kuko mu bihe bitandukanye byagiye bigaragara mu bitangazamakuru ndetse na bamwe mu bagiye bayobora Minisiteri y’Ubuzima hari abatunguranaga nabo iyo serivisi bakayisogongeraho,kuri iyi nshuro bakaba bavugako ibitaro bya Nyarugenge aribyo bibakondeye.