Leta ya Iran yatangaje ko abantu 610 ari bo bamaze kugwa mu bitero bya Israel mu ntambara imaze iminsi 12 ishyamiranyije impande zombi.

Umuvugizi wa Minisiteri y’Ubuzima ya Iran, Hossein Kermanpour, yatangaje ko abantu 4746 bakomeretse, muri bo 971 bakiri mu bitaro na ho 687 babazwe.

Mu bapfuye harimo abana 13, barimo uw’amezi abiri, ndetse n’abagore 49 barimo babiri bari batwite.

Yongeyeho ko abakozi batanu b’inzego z’ubuzima bapfuye, abandi 20 barakomereka. Ibitaro birindwi byarasenywe, hamwe n’ibigo bitanga ubutabazi bwihuse, amavuriro ane n’imbangukiragutabara icyenda ziratwikwa.