Guverinoma y’Ubwongereza yavuze ko yiteguye kwirwanaho amasaha 24 ku munsi, nyuma y’uko Irani itangaje ko ibirindiro bya gisirikare by’Ubwongereza bikoreshwa na Leta Zunze Ubumwe za Amerika ari ahantu hemewe ho guterwa.

Ubwongereza bwemereye Leta Zunze Ubumwe za Amerika gukoresha ibirindiro bya gisirikare by’Ubwongereza bicumbikiye ingabo z’Abanyamerika n’indege mu bikorwa byo kwirwanaho, ariko bwanze kwitabira ibitero bitaziguye kuri Irani.

Minisiteri y’Ububanyi n’Amahanga ya Irani yashinje Ubwongereza kuba umufatanyabikorwa wa Leta Zunze Ubumwe za Amerika muri iyo ntambara, mu gihe umutwe w’ingabo zirinda impinduramatwara za kisilamu (IRGC) wavuze ko igihugu icyo ari cyo cyose gishyigikira Leta Zunze Ubumwe za Amerika mu gisirikare kizagira ingaruka z’ibyo bikorwa.

Iri tangazo ryatanzwe mu gihe Leta Zunze Ubumwe za Amerika zikomeje ibitero byazo mu ijoro rya 13 byikurikiranya mu bice bitandukanye muri Irani.

Perezida wa Amerika, Donald Trump, yanenze guverinoma y’Ubwongereza n’uwahoze ari Minisitiri w’Intebe, Sir Keir Starmer, avuga ko badashyigikiye bihagije ibikorwa bya gisirikare bya Amerika.

Ariko, Irani yakomeje gufata Ubwongereza nk’igice cy’ibikorwa bya gisirikare.

Mu minsi ya mbere y’intambara yayobowe na Isiraheli na Irani muri Werurwe(3), Ubwongereza bwemereye Amerika gukoresha ibirindiro bya gisirikare bya RAF Fairford na Diego Garcia mu gutera ibikorwa remezo bya gisirikare bya Irani bivugwa ko byakoreshejwe mu gutera ibihugu byo mu kigobe cy’inyanja n’amato mu muhora wa Hormuz.

Amakuru avuga ko iyi politiki yakomeje ndetse na nyuma y’uko Andy Burnham abaye Minisitiri w’Intebe mushya w’Ubwongereza, nyuma y’icyemezo cyo kongera amasezerano na Leta Zunze Ubumwe za Amerika.