Abaturage bo mu Karere ka Kirehe bafatanyije n’ubuyobozi bw’aka Karere bashumbushije umworozi witwa Mutarambirwa Patrick wapfushije amatungo 33 arimo inka 15 ndetse n’intama 18, bamuha inka 25 bitewe n’uko asanzwe ababanira neza.

Inkuba yishe amatungo y’uyu muturage Mutarambirwa Patrick, ku wa 3 Gicurasi 2026.

Umunyamabanga Nshingwabikorwa w’Umurenge wa Mpanga, Hakizamungu Adelte, yavuze ko ubuyobozi bw’Akarere ndetse n’abaturage bakimenya ko mugenzi wabo yagize ibyago, bahise bahagera bafatanya mu kumushumbusha kubera ko asanzwe ababanira neza.

Yavuze ko Akarere kamushumbushije inka n’abandi baturage bagenda bakomerezaho bamuremera inka 25 zirimo inyana 23 n’ibimasa bibiri n’intama icyenda ndetse n’ihene imwe.

Yasabye abaturage kubahiriza amabwiriza atangwa n’inzego zitandukanye arimo kwirinda kugama munsi y’ibiti cyangwa se kuhashyira amatungo, kwirinda gukomeza kwirinda kugenda mu mvura n’izindi ngamba nyinshi zashyizweho mu kwirinda ibiza.