Lamine Yamal yongereye amasezerano y’imyaka itandatu muri FC Barcelone, azageza mu mpeshyi ya 2031.

Sponsored Ad

Yamal watangiye gukinira FC Barcelone nkuru afite imyaka 15, yongereye amasezerano nyuma yo gufasha iyi kipe kwegukana ibikombe bitatu bikinirwa muri Espagne birimo Igikombe cya Shampiyona, Copa de Rey ndetse na Super Coupe.

Ibi bikombe yabigizemo uruhare kuko yatsinze ibitego 18, atanga n’imipira 25 yavuyemo ibindi, mu mikino 55 yakinnye muri uyu mwaka.

Muri rusange amaze gutsindira FC Barcelone ibitego 25 mu mikino 115 amaze gukinira iyi kipe yakuriyemo. Amaze kandi guhamagarwa inshuro 19 mu Ikipe y’Igihugu ya Espagne, ndetse baherutse no kwegukana Igikombe cy’i Burayi.

Lamine Yamal yiyongereye kuri Raphinha n’umutoza Hansi Flick nabo baherutse kongera amasezerano muri iyi kipe y’i Catalonia.

Yamal yongereye amasezerano azamugeza mu 2031 agikinira FC Barcelone Lamine Yamal yafashije FC Barcelone kwegukana ibikombe bitatu muri uyu mwaka