Ikigo cy’Umuryango w’Abibumbye gishinzwe kugenzura ingufu za kirimbuzi (IAEA) cyatangaje ko Iran ifite ubushobozi bwo kongera gutunganya uranium ku rwego rwo kuyibyazamo intwari za nucléaire.

Umuyobozi Mukuru wa IAEA, Rafael Grossi, yabwiye itangazamakuru ko ibitero bya Amerika byagabwe ku bice bitatu bitunganyirizwamo uranium n’ahakorerwa missiles muri Iran byangiritse ariko bitasenyutse burundu.

Ati "Mu kuri, umuntu ntiyavuga ko byose byashize burundu cyangwa ko nta na kimwe gisigaye"

Israël yagabye ibitero ku bikorwaremezo bikorerwamo intwaro za nucléaire n’ahakorera Ingabo za Iran ku wa 13 Kamena, ivuga ko Iran yari hafi kubaka intwaro za kirimbuzi. Intambara yamaze ibyumweru bibiri barasana nta guhagarara.

Umuyobozi Mukuru wa IAEA, Rafael Grossi yemeje ko Iran igifite ubushobozi bwo gukora intwaro za nucléaire