Amakuru aturuka mu burasirazuba bwa Repubulika Iharanira Demokarasi ya Congo, aravuga ko ingabo z’umutwe wa AFC/M23 zishe Colonel Ukwishaka Nouvelle wari umwe mu bayobozi bakuru b’umutwe wa FDLR.

Colonel Ukwishaka wari uzwi nka Mwenesikare, yari asanzwe ashinzwe igenamigambi muri FDLR.

Amakuru avuga ko Ukwishaka yiciwe muri Teritwari ya Masisi hakomeje kubera imirwano ikomeye hagati ya M23 n’ihuriro ry’ingabo za Leta ya Congo Kinshasa ribamo FDLR, akaba yicanwe n’abandi barwanyi ba FDLR.

Ifoto y’umurambo w’uyu mugabo agaramanye n’imbunda yo mu bwoko bwa Kalashnikov (AK-47) ikomeje gukwirakwizwa ku mbuga nkoranyambaga.