Minisitiri w’Ububanyi n’Amahanga n’Ubutwererane w’u Rwanda, Ambasaderi Olivier Nduhungirehe na mugenzi we w’u Burusiya, Sergey Lavrov, baganiriye ku kwagura ubufatanye hagati y’ibihugu byombi.

Minisitiri Nduhungirehe na Lavrov bahuriye i Cairo mu Misiri, ahari kubera Inama y’Abaminisitiri b’Ububanyi n’Amahanga ba Afurika n’u Burusiya, kuva ku wa 19 kugeza kuri uyu wa 20 Ukuboza 2025.

Minisitiri Lavrov yagaragaje ko inama y’ubufatanye bw’u Burusiya na Afurika ari umwanya mwiza wo kuganiriramo ubufatanye bwo gukemura ibibazo bya rusange, n’ubufatanye bw’igihugu n’ikindi.
Yagize ati “Duha agaciro umubano mwiza uri hagati yacu n’u Rwanda. Nizeye ko hagiye kubaho ibiganiro ku bufatanye bwacu n’ibijyanye n’urwego rw’akarere na mpuzamahanga.”

Ibiganiro bya Minisitiri Nduhungirehe na Lavrov byibanze ku nzego z’ingenzi u Rwanda n’u Burusiya bikoranamo nk’urw’ingufu, banareba ku buryo habaho ubufatanye mu bijyanye n’ubucuruzi, ubukungu n’ubutabazi.

Minisitiri Nduhungirehe yaganiriye na Lavrov ku kibazo cyo mu Burasirazuba bwa Repubulika Iharanira Demokarasi ya Congo, anashima uburyo u Burusiya bukomeje gushyigikira ibiganiro by’amahoro.

Ati “Twanaganiriye ku kibazo cyo mu Burasirazuba bwa RDC, mbona umwanya wo kugaragariza mugenzi wanjye uko twishimira uburyo u Burusiya bukomeje gushyigikira gahunda z’amahoro zikomeje.”

Bombi bashimangiye ko ibihugu byombi bizakomeza ibiganiro bya politiki bigamije kongerera imbaraga ubufatanye hagati yabyo n’ibyo ku rwego mpuzamahanga bigamije gukemura ibibazo bibangamiye Isi n’akarere.

U Rwanda ruteganya kuba rufite uruganda ruto rutunganya ingufu za nucléaire bitarenze mu 2030. Biteganyijwe ko ruzubakwa ahantu hitaruye ku buso buri hagati ya hegitare 15 na 30, rufite abakozi bagera kuri 230.

Inganda nto zizubakwa mu Rwanda ku bufatanye n’ibigo birimo byo mu Burusiya, hashingiwe ku bufatanye bw’impande zombi. Hari Abanyarwanda bize mu Burusiya ibijyanye n’ingufu za nucléaire n’abacyigayo kugira ngo bazafashe igihugu kugera kuri uyu muhigo.Minisitiri Nduhungirehe na Lavrov bahuriye i Cairo mu Misiri, ahari kubera Inama y’Abaminisitiri b’Ububanyi n’Amahanga ba Afurika n’u Burusiya, kuva ku wa 19 kugeza kuri uyu wa 20 Ukuboza 2025.

Minisitiri Lavrov yagaragaje ko inama y’ubufatanye bw’u Burusiya na Afurika ari umwanya mwiza wo kuganiriramo ubufatanye bwo gukemura ibibazo bya rusange, n’ubufatanye bw’igihugu n’ikindi.
Yagize ati “Duha agaciro umubano mwiza uri hagati yacu n’u Rwanda. Nizeye ko hagiye kubaho ibiganiro ku bufatanye bwacu n’ibijyanye n’urwego rw’akarere na mpuzamahanga.”

Ibiganiro bya Minisitiri Nduhungirehe na Lavrov byibanze ku nzego z’ingenzi u Rwanda n’u Burusiya bikoranamo nk’urw’ingufu, banareba ku buryo habaho ubufatanye mu bijyanye n’ubucuruzi, ubukungu n’ubutabazi.

Minisitiri Nduhungirehe yaganiriye na Lavrov ku kibazo cyo mu Burasirazuba bwa Repubulika Iharanira Demokarasi ya Congo, anashima uburyo u Burusiya bukomeje gushyigikira ibiganiro by’amahoro.

Ati “Twanaganiriye ku kibazo cyo mu Burasirazuba bwa RDC, mbona umwanya wo kugaragariza mugenzi wanjye uko twishimira uburyo u Burusiya bukomeje gushyigikira gahunda z’amahoro zikomeje.”

Bombi bashimangiye ko ibihugu byombi bizakomeza ibiganiro bya politiki bigamije kongerera imbaraga ubufatanye hagati yabyo n’ibyo ku rwego mpuzamahanga bigamije gukemura ibibazo bibangamiye Isi n’akarere.

U Rwanda ruteganya kuba rufite uruganda ruto rutunganya ingufu za nucléaire bitarenze mu 2030. Biteganyijwe ko ruzubakwa ahantu hitaruye ku buso buri hagati ya hegitare 15 na 30, rufite abakozi bagera kuri 230.

Inganda nto zizubakwa mu Rwanda ku bufatanye n’ibigo birimo byo mu Burusiya, hashingiwe ku bufatanye bw’impande zombi. Hari Abanyarwanda bize mu Burusiya ibijyanye n’ingufu za nucléaire n’abacyigayo kugira ngo bazafashe igihugu kugera kuri uyu muhigo.