Nk’uko ikinyamakuru le Quotidien kibitangaza, ku wa Gatandatu, Minisitiri w’Intebe Ousmane Sonko ntiyigeze akoresha amagambo ya diplomasi mu kwamagana politiki yo «gutsemba» abanyapalestine ikorwa na Benjamin Netanyahu, udatinya kwica abantu ibihumbi n’ibihumbagiza kugira ngo agume ku mwanya wa Minisitiri w’Intebe.
Ni mu butumwa bwanyujijwe kuri murandasi Minisitiri w’Intebe yatangaje ko azitabira urugendo rwo gushyigikira Abanyapalestine bari kugabwaho ibitero n’ingabo zikomeye za Isirayeli muri (...)

Sponsored Ad

Nk’uko ikinyamakuru le Quotidien kibitangaza, ku wa Gatandatu, Minisitiri w’Intebe Ousmane Sonko ntiyigeze akoresha amagambo ya diplomasi mu kwamagana politiki yo «gutsemba» abanyapalestine ikorwa na Benjamin Netanyahu, udatinya kwica abantu ibihumbi n’ibihumbagiza kugira ngo agume ku mwanya wa Minisitiri w’Intebe.

Ni mu butumwa bwanyujijwe kuri murandasi Minisitiri w’Intebe yatangaje ko azitabira urugendo rwo gushyigikira Abanyapalestine bari kugabwaho ibitero n’ingabo zikomeye za Isirayeli muri Gaza. Iyi ntambara yageze no mu yindi mijyi nka Khan Younes ndetse n’i Cisjordanie. Minisitiri w’Intebe yaje yambaye keffieh, ikimenyetso cy’Abanyapalestine. Ati «Nongeye gushimangira agahinda kacu ndetse n’akababaro kacu kubera ibi bintu. Barimo kubabazwa nbavandimwe bacu b’Abanyapalestine. Turabirwanya nk’abizera, ariko dufite kandi dukeneye kugira imyitwarire ya politiki. Papa François yarabirwanyije aranabamagana. Yasabye ko habaho ibihugu bibiri (...) Tugomba guhuza twese, tugashyira mu kato ka politiki Leta ya Isirayeli». Ibi yabivugiye imbere y’abantu benshi bitabiriye iki gikorwa cyo gushyigikira Abanyapalestine kuri Mosike Nkuru ya Dakar, ku wa Gatandatu.

Abantu benshi bakomeje kwibaza niba Leta ya Senegal irimo guhindura dipolomasi yayo na Isirayeli. «Ishyaka rishya, riyobowe na Perezida Diomaye Faye, ryafashe icyemezo cyo kurenga ku magambo n’ibikorwa biri ku rwego rwa Loni, ahubwo kuba turi kumwe n’abavandimwe bacu b’Abanyapalestine kugira ngo turwanye hamwe iki kibazo», nk ’uko Minisitiri w’Intebe Ousmane Sonko yabitangaje. Senegal yajunze gushyigikira abanyapalestine kuva mu mwaka wa 1975. Senegali iri mubihugu byatoye umwanzuro muri 2016 wo kwamagana Isirayeli ku bw’iyagurwa ry’ubutaka bwa Palestine. Iyi ngingo yateje impaka zikomeye, harimo guhamagara ambasaderi wa Isirayeli i Dakar kugira ngo yamagane iryo tora rya Loni. Ku wa Gatandatu, Minisitiri w’Intebe wa Senegal ntiyoroheye mugenzi we wa Isirayeli. Yavuze atuje ati «Dufite Minisitiri w’Intebe (wa Isirayeli) ufite ububasha bushingiye kuri iyi ntambara, kandi aharanira ubuzima bwe bwa politiki bushingiye kuri iyi ntambara, kandi yiteguye gukandagira imibiri y’abantu ibihumbi byinshi kugira ngo agume ku mwanya wa Minisitiri w’Intebe no kugira ngo ataryozwa ibyaha byakozwe mu gihugu cye. Tugomba guhuza bose barwanya aya mahano, tugashyira mu kato ka politiki Leta ya Isirayeli .» Guhera mu itangira ry’iyi ntambara ku wa 7 Ukwakira umwaka ushize, hafi abantu ibihumbi 50 b’Abanyapalestine barishwe, harimo abana benshi. «Tugomba guhagarika ubu bugome bw’abantu, bwemewe, bwemerewe na bimwe mu bihugu by’iburengerazuba, tugomba kwamagana politiki yo «gutsemba» no «kwanga abakomoka ku nanyapalestine» kuva Isirayeli yabaho mu 1948.

Uyu munsi, Sonko yicuza «amacakubiri» atuma «Abayisilamu n’Afurika badashobora kuvuga ijwi rimwe». «Guhera mu itangira ry’iki kibazo, ibifatika byakozwe n’Afurika y’Epfo, aho Abayisilamu ari bake cyane, ndetse n’ibihugu bimwe byo muri Amerika y’Amajyepfo byahagaritse umubano w’ibihugu byabo na Isirayeli. Mu gihe abo bose baririmba demokarasi n’uburenganzira bwa muntu ari bo bashyigikira Isirayeli, bakayifasha». Yakomeje agira ati: «Niba CPI (Urukiko Mpuzamahanga mpanabyaha ) yarashoboye guhamya icyaha cya Jenoside Minisitiri w’Intebe wa Isirayeli w’ubu, ni uko Afurika y’Epfo yakomeje gukora ibyo Abayisilamu bose bari bashoboye gukora kugira ngo bigerweho (Ndlr : Afurika y’Epfo yashyikirije Urukiko Mpuzamahanga mpanabyaha, rukorera i La Haye). Tugomba gukora byinshi bishoboka, kandi ndatekereza ko dushobora kubona ibisubizo byifuzwa, ari byo guhagarika ubu bugome bw’abantu "bwemewe", bwemewe na bimwe mu bihugu by’iburengerazuba».

Byari bizwi ko Bwana Sonko yitabiriye iki gikorwa cyo ku kibuga cy’imbere ya Mosike Nkuru ya Dakar, ku butumire bw’Umuryango mpuzamahanga w’Abanyapalestine. Iki gikorwa cyahuje abantu ibihumbi, bafite amabendera ya Palestine kandi bambaye amakoti afite inyandiko igira iti «Palestine yigenga». Birumvikana ko Ambasaderi wa Palestine i Dakar, Nasser Jaddalah, yishimiye cyane ubu bwitabire bwa Minisitiri w’Intebe wa Senegal muri iki gikorwa, ari na byo bintu «bibaye bwa mbere mu mateka ya Senegal». Ati«Nshimye cyane inkunga idahinduka y’Abaturage ba Senegal ku kibazo cya Palestine, cyane cyane muri ibi bihe Isirayeli ishimuta Gaza, amahanga arebeera».

Bwiza.com