Kuri uyu munsi tariki ya 10 Werurwe 2022, muri Car free zone mu mujyi wa Kigali ahitwa Imbuga City walk hatangijwe ibikorwa birebana n’ukwezi kwahariwe Umuryango wa Francophonie,ukwezi gufite insanganyamatsiko iganisha ku guteza imbere ururimi rw’igifaransa.
Ibyo bikorwa byabimburiwe n’imurikabikorwa ry’inkuru zishushanyije zizwi nka bandes dessinees mu ndimi z’amahanga zaba izanditswe n’abanyarwanda cyangwa iz’abanyamahanga.
Ni ibikorwa byateguwe ku bufatanye bwa Ambassade y’u Bubiligi mu (...)

Sponsored Ad

Kuri uyu munsi tariki ya 10 Werurwe 2022, muri Car free zone mu mujyi wa Kigali ahitwa Imbuga City walk hatangijwe ibikorwa birebana n’ukwezi kwahariwe Umuryango wa Francophonie,ukwezi gufite insanganyamatsiko iganisha ku guteza imbere ururimi rw’igifaransa.

Ibyo bikorwa byabimburiwe n’imurikabikorwa ry’inkuru zishushanyije zizwi nka bandes dessinees mu ndimi z’amahanga zaba izanditswe n’abanyarwanda cyangwa iz’abanyamahanga.

Ni ibikorwa byateguwe ku bufatanye bwa Ambassade y’u Bubiligi mu Rwanda, Ministeri y’Ububanyi n’Amahanga n’Ubutwererane, Minisiteri y’Urubyiruko n’Umuco ndetse n’Inteko y’Umuco.

Incamake y’ibikubiye muri izo nkuru zishushakije ndetse n’amashusho bikaba byagiye bishyirwa ku mpapuro nini zabugenewe ku buryo abitabiriye iki gikorwa n’abanyura mu Imbuga City Walk babasha gusoma ibijyanye n’izo nkuru.

Irankunda Jerome,umwe mu Banyarwanda bandika inkuru zishushanyije avuga ko ari inkuru ziba zifite umwihariko wo gutanga ubutumwa mu buryo bwihuse.

Umuyobozi Mukuru ushinzwe iterambere ry’umuco muri Ministeri y’Urubyiruko n’umuco Aimable Twahirwa avuga ko ibirebana n’inkuru zishushanije bigenda bitera imbere mu Rwanda.

Umwe mu bahagarariye umuryango Wallonie Bruxelles International wo mu gace kavuga ururimi rw’igifaransa mu Bubiligi Eric Santkin avuga ko ibirebana no kwandika inkuru zishushanije byateye imbere cyane muri icyo gihugu bakaba biteguye gufatanya n’Abanyarwanda mu guteza imbere inkuru zishushanije.

Umuyobozi Mukuru ushinzwe u Burayi,Amerika n’imiryango mpuzamahanga muri Minisiteri y’Ububanyi n’Amahanga, Amb. Guillaume Kavarugandawe avuga ko inkuru zishushanije ari kimwe mu bigafasha kurushaho kumenyekanisha ururimi rw’igifaransa n’Umuryango wa Francophonie.

Amateka y’ibitabo by’inkuru zishushanije agaragaza ko igihugu cy’u Bubiligi ari hamwe mu hantu hagaragara abahanzi benshi b’inkuru zishushanyije ziri mu rurimi rw’igifaransa kuva mu bihe bya kera.

Rumwe mu ngero zitangwa ni umwanditsi Hergé wanditse ibikorwa by’agatangaza bya Tintin,Les Aventures de Tintin mu rurimi rw’igifaransa.

Umunsi wahariwe umuryango Francophonie wizihizwa tariki ya 15 Werurwe.

Refe: RBA