Jason Collins wakinnye Basketball, ndetse wabaye umukinnyi wa mbere wo muri siporo y’ababigize umwuga muri Leta Zunze Ubumwe za Amerika watangaje ko aryamana n’abo bahuje igitsina, yitabye Imana afite imyaka 47.

Itangazo ryashyizwe ahagaragara n’umuryango wa Collins ku bufatanye na Shampiyona ya Basketball muri Amerika (NBA) rivuga ko yahitanywe na kanseri y’ubwonko yitwa Glioblastoma.

Mu mwaka ushize ni bwo uyu mugabo yari yatangaje ko yasanganywe kanseri ndetse ari kwivuza kugira ngo iyi ndwara itabagwa, ntikomeze gukura.

Mu Ukuboza 2025, yavuze ko abaganga bamubwiye ko iyo ndwara iramutse itavuwe yamuhitana mu mezi atatu gusa.

Mu 2013, Jason Collins yabaye umukinnyi wa mbere ukina nk’uwabigize umwuga muri Amerika watangaje ko aryamana n’abo bahuje igitsina.

Muri NBA, yakiniye amakipe atandatu mu myaka 13, ahereye muri New Jersey Nets mu 2001. Ni mu gihe yasezeye mu 2014 akinira Brookyln Nets.

Jason Collins yapfuye afite imyaka 47

Mu 2013, Jason Collins yavuze ko aryamana n’abo bahuje igitsina