Kuri uyu wa Kabiri tariki ya 06 Mutarama 2026, abantu icyenda muri 15 baheruka gukubitwa n’inkuba mu Murenge wa Jarama, Akarere ka Ngoma, bashyinguwe mu cyubahiro.

Byari amarira n’agahinda, aho imiryango y’ababuze ababo yagarutse ku gahinda yatewe n’ibi byago byatunguranye, mu gihe ubuyobozi bwabamenyeshejeko bubafashe mu mugongo.
Gushyingura abitabye Imana byabereye mu irimbi rya Kiriko mu Murenge wa Sake, byitabirwa n’imiryango y’abuze ababo, abaturanyi, ubuyobozi bw’Akarere ka Ngoma n’Intara y’Iburasirazuba.
Ni umuhango waranzwe n’umubabaro n’agahinda kubavandimwe n’imiryango babuze abantu mu buryo butunguranye.
Mutuyimana aniziya ukomoka mu Murenge wa Jarama yaguze, ati: “Twababajwe n’urupfu rw’aba bavandimwe. Ndavuga abavandimwe kuko uretse uwo duhuje isano y’amaraso witabye Imana akubiswe n’inkuba, n’abandi bari abantu tuzi twahuriraga mu bikorwa bitandukanye.
Ni abantu bapfuye batarwaye ku buryo kubyakira byatugoye. Bari bagiye mu kazi bisanzwe handmade kiriya kiza kirabahitana. Uyu munsi ntacyo kuvuga umuntu yabona uretse kubifuriza iruhuko ridashira.”
Aba baturage badhimye uko ubuyobozi bifatanije na bo muri ibi bihe bikomeye.
Musabyimana Anicet yagize ati: “Ibyago nkibi byo iyo bije nta kundi twarabyakiriye. Gusa Dushima ubuyobozi bwiza dufite bwatubaye hafi kuva tukibura abantu,budufasha byose birimo kubatwara kwa muganga no kwita ku bari barokotse inkuba. Ngira ngo n’uburyo badufashije mu guherekeza abacu bigagaza agaciro umuturage ahabwa.”
Umuyobozi w’Intara y’Iburasirazuba Pudance Rubingisa, wifatanije n’abaturage muri uyu muhango wo gushyingura, yahumurije ababuze ababo ndetse avuga ko Leta ibafashe mu mugongo banazirikana ko baguye mu bikorwa byo gukorera imiryangoyabo.
Ati: “Ubuyobozi bubafashe mu mugongo mu bihe nk’ibi bikomeye. Aba tuzabibuka kenshi atari uko twagize ibyago ariko no kuvuga ngo uzi ko yaguye ku murimo! Yarimo yiteza imbere, ateza imbere urugo rwe.”
Akomeza agira ati: “Ibindi ni ukugira ngo twibukiranye ko iyo ibi byago bitubayeho, bigira n’isomo bidusigira. Ese aho twibuka ko mu gihe cy’imvura Koko inkuba ishobora gukubita? Ese twibuka ko dukangurirwa kutagenda tuvugira kuri telefone mu mvura, ntitwugama munsi y’ibiti hose imvura ikunda kuhagera.”
Yavuze ko inzego na zo zikurikirana ko ahantu hahurira abantu benshi haba hari imirindankuba ariko yizeza ko ubuyobozi buzakomeza.