Abagabo bitwaje intwaro bashimuse abanyeshuri bo mu kigo cy’amashuri abanza muri Leta ya Borno muri Nigeria.

Reuters yanditse ko abitwaje intwaro bagabye igitero mu ishuri rizwi nka Mussa Primary and Junior Secondary School muri Askira-Uba.

Ubaidallah Hasaan uturiye iri shuri yavuze ko abana bashimuswe ari benshi ariko nta mibare y’abashimuswe izwi.

Umwarimu muri iri shuri yabwiye Reuters ko abateye ikigo bari kuri moto

Ati “Uretse bamwe mu banyeshuri batorokeye mu bihuru, nakubwira ko benshi bashimuswe.”

Mu mitwe yitwaje intwaro ikorera muri Nigeria nta n’umwe wigeze wigamba iki gitero nubwo hari benshi babyitiriye Boko Haram.

Mu 2014 Boko Haram yashimuse abakobwa barenga 270 muri Chibok ho muri Leta ya Borno, kuva icyo gihe ibikorwa nk’ibyo byari bitarongera kuhaba.