Paul Biya w’imyaka 92 y’amavuko, yongeye gutorerwa kuyobora Cameroun, akomeza kuba Umukuru w’Igihugu ukuze (ufite imyaka myinshi) kurusha abandi ku Isi, nyuma y’aho Akanama gashinzwe kurengera Itegeko Nshinga, kemeje ko yagize amajwi 53,66%.

Ku manywa yo kuri uyu wa Mbere nibwo amajwi yatangajwe. Uwakurikiye Biya ni Issa Tchrioma Bakary wagize 35,19%.

Biya w’imyaka 92 amaze igihe ashyirwaho igitutu asabwa kwegura, ariko we mu gihe yiyamamazaga yavuze ko ibyiza biri imbere.

Mu 1982 nibwo uyu mugabo yagiye ku butegetsi, bivuze ko manda ye nshya y’imyaka irindwi ishobora kuzarangira ayoboye iki gihugu mu myaka 50. Mu 2032, ubwo iyo manda izaba irangiye, azaba ari hafi kugira imyaka 100.

Paul Biya w’imyaka 92 yatsinze amatora muri Cameroun