skol
Kigali
Fortebet

RDC: M23 irashinjwa gushaka kwinjiza urubyiruko rwo muri Uganda mu mutwe wayo

Amakuru   Yanditswe na: TUYISENGE Fabrice 14 July 2022

Umutwe w’inyeshyamba wa M23 wafashe igice cya Bunagana gihuza Repubulika ya Demokarasi ya Congo na Uganda, urashinjwa kureshya urubyiruko rudafite akazi rwo muri Uganda bagafatanya intambara babizeza kuzabaha ibifite agaciro.


Inzego z’ubutasi mu karere ka Kisoro, zatangaje ko zifite amakuru yizewe ko abarwanyi ba M23 batangiye kujya mu bice birimo impunzi z’abanyekongo muri iki gihugu, bakabizeza ko bazabafasha nibinjira mu ntambara.

Ikinyamakuru Chimpreports cyanditse ko abategetsi muri Kisoro basabye ababyeyi babo kuba maso, kandi bakamenya aho abana bari n’ibyo bahugiyemo, kuko M23 ishaka kubashora mu ntambara muri Congo kandi itagaragara nk’izarangira mu myaka ya vuba.

Abategetsi muri aka karere bavuze ko umugande uzajya muri M23 agafatirwa ku rugamba azabaga akifasha, kuko nta muturage leta izohereza muri iyi ntambara.

Uduce byamenyekanye ko M23 iri gushakamo abarwanyi turimo Rukundo, Muramba, Nyarubuye na Busanza muri Uganda ahegereye Bunagana.

Sara Nyirabashitsi Mateke, umunyamabanga wa leta muri ministeri y’urubyiruko, yavuze ko hari uwamuhaye amakuru ko muri Kisoro hari ababyeyi, bari guhabwa amafaranga yo kubatunga kubera ubukene babamo, bakemera gutanga abana babo ngo bajye kurwana ku ruhande rwa M23.

Gusa ngo hari urubyiruko muri Kisoro ruvuga ko rwikundira M23 kuko ngo yigaragaje nk’umucunguzi w’abaturage, ariko ngo kuba yarafashe Bunagana byishe ubucuruzi bwari butunze benshi muri Uganda. Umuvugizi wa M23 ntiyahawe umwanya muri iki kinyamakuru.

Author : TUYISENGE Fabrice

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Nyamasheke:Umugabo wishe ababyeyi be bombi abakase amajosi yafashwe

Mu Karere ka Nyamasheke umugabo wishe ababyeyi be bombi, umusaza w’imyaka 74...
8 August 2022 1

U Rwanda rwatangaje ko rwishimiye uruzinduko rwa Blinken,ruvuga kuri Paul...

Guverinoma y’u Rwanda yatangaje ko yishimiye kwakira Umunyamabanga wa Leta...
4 August 2022 0

Nyanza:Abarimu babiri batawe muri yombi bakurikiranweho gushyira hanze...

Urwego rw’Ubugenzacyaha (RIB) rwataye muri yombi abagabo babiri bo mu Karere...
1 August 2022 0

Umukobwa wa Paul Rusesabagina aratanga ubuhamya kubyo ashinja u Rwanda byo...

Carine Kanimba umukobwa wa Paul Rusesabagina wakunze kuvuga ko Guverinoma...
27 July 2022 0

Rusizi:Umugabo yahuye n’uruva gusenya nyuma yo kubura amafaranga yo...

Umugabo wo mu Karere ka Rusizi yahuye n’uruva gusenya nyuma yo .kurarana...
26 July 2022 0

Umusaza w’imyaka 72 wasambanyije umukobwa ufite uburwayi bwo mumutwe yahawe...

Umusaza w’imyaka 72 wo mu Karere ka Musanze wari ukurikiranyweho gusambanya...
21 July 2022 1