Uduce twinshi two muri Teritwari ya Walikale twongeye kugwa mu biganza bya AFC / M23 ndetse biranavugwa ko na Centre ya Walikale, bari baherutse gufata bakayivanamo, kubera ibiganiro bya Doha, bongeye kuyigarurira.

Sponsored Ad

Abatangabuhamya baho bavuga ko abarwanyi ba AFC/M23 bongeye kugaba ibitero byo gufata Walikale. Guhangana hagati yabo na FARDC / Wazalendo byabaye umunsi wose kuva mu gitondo cyo kuri uyu wa Kabiri ushize.

Ibi bije bikurikira kunanirwa kw’ibiganiro bya Doha, bitewe n’uko Kinshasa yanze kurekura imfungwa za AFC / M23 nkuko byari byateganijwe.

AFC / M23 yashyikirije ubuhuza bwa Doha urutonde rw’imfungwa za politiki n’abasirikare barenga 700 batawe muri yombi na Kinshasa mu buryo bunyuranyije n’amategeko. Abarekuwe na Tshisekedi bafashwe kubera ko begereye uwahoze ari Guverineri wa Haut-Uélé, Christophe Baseane Nangaa.