Sudani irashinja Leta Zunze Ubumwe z’Abarabu (UAE) jenoside. Mu kirego cyatanzwe kuri uyu wa Kane, itariki 6 Werurwe 2025, imbere y’Urukiko Mpuzamahanga rw’Ubutabera, urwego rw’ubucamanza rukuru rwa Loni, Khartoum irasaba gutegeka ingamba zihutirwa.

Sponsored Ad

Khartoum irasaba abacamanza gutegeka Abu Dhabi kubuza imitwe yitwara gisirikare ishyigikira gukora jenoside.

Abayobozi ba Sudani barashinja Leta Zunze Ubumwe z’Abarabu kurenga ku masezerano yo gukumira jenoside mu gushyigikira umutwe witwara gisirikare wa Gen. Hemedti, nk’uko umunyamakuru wa RFI i La Haye, Stéphanie Maupas abisobanura.

Nk’uko icyifuzo cya Sudani kibivuga, itsembabwoko ryibasiye Abanyasudani bo mu bwoko bwa Massalit ryatangiye kuva intambara yatangira mu 2023.

Bagashimangira rero ko Leta Zunze Ubumwe z’Abarabu zaba zibifitemo uruhare, kubera inkunga ya politiki, imari ndetse n’igisirikare zitera Ingabo za Rapid Support Forces (RSF)