Perezida wa Leta Zunze Ubumwe za Amerika, Donald Trump, yasitaye ku ngazi y’indege itwara abayobozi b’iki gihugu, ‘Air Force One’.

Ni ibyago Perezida Trump yahuye na byo, kuri uyu wa Mbere tariki 9 Kamena 2023, ubwo yarekezaga mu biro bye biri i Merryland bizwi nka Camp David.

Ubwo yari amaze kuganira n’abanyamakuru, Trump yerekeje ku ndege ya Air Force One atangira kurira ingazi yayo. Mu gihe yari atararangiza kurira, yahise asitara, aradandabirana, ariko ntiyagwa.

Si Trump gusa wahuye n’ibi bibazo kuko na Marco Rubio ushinzwe ububanyi n’amahanga muri Leta Zunze Ubumwe za Amerika bari kumwe, na we yasitaye kuri iyi ngazi ya Air Force one.

Aya mashusho ya Trump yasamiwe hejuru n’abakoresha imbuga nkoranyambaga bahise batangira kumwibutsa ko yakunze kwibasira Joe Biden yasimbuye ku butegetsi, avuga ko impamvu asitara ku ngazi ya Air Force One ari uko akuze kandi akaba afite ibibazo by’ubuzima.
Mu bihe bitandukanye Joe Biden yakunze kugaragara na we asitara ku ngazi ya Air Force, akibasirwa n’abarimo Donald Trump.