Perezida Félix Tshisekedi wa Repubulika Iharanira Demokarasi ya Congo, yohereje muri Tchad intumwa yo kumusabira ubufasha bwa gisirikare.

Sponsored Ad

Ku wa Kabiri tariki ya 18 Gashyantare ni bwo Didier Mazenga usanzwe ari intumwa yihariye ya Perezida Tshisekedi yageze i Ndjamena muri Tchad.

Radiyo Mpuzamahanga y’Abafaransa (RFI) ivuga ko iyi ntumwa yari ishyiriye Perezida wa kiriya gihugu, Maréchal Idriss Déby Itno ubutumwa bwa Perezida Tshisekedi bumusaba ubufasha bwa gisirikare.

Ni Tshisekedi kuri ubu isumbirijwe n’inyeshyamba zo mu mutwe wa M23 zigenzura ibice bitandukanye by’ingenzi mu ntara za Kivu y’Amajyaruguru ndetse n’iy’Amajyepfo.

Perezida wa RDC yitabaje Tchad, mu gihe ku wa 9 Gashyantare Maréchal Déby yanditse ku rubuga rwe rwa X ubutumwa bwasabaga ko ubusugire bwa RDC bwubahwa, ndetse icyo gihe yanatangaje ko akomeje kwifatanya n’abaturage ba kiriya gihugu.