Kuri uyu wa Kane, Minisiteri y’ububanyi n’amahanga y’u Burusiya yahaye umuburo u Budage ku bijyanye n’uko bushobora kohereza misile ziraswa mu ntera ndende ziswe Taurus muri Ukraine.

Sponsored Ad

Umuvugizi wa Minisiteri y’ububanyi n’amahanga y’u Burusiya, Maria Zakharova, yatangaje ko u Burusiya buzafata ibitero bya missiles za Taurus ku “bikorwa remezo by’ubwikorezi” nk’uruhare rw’Abadage mu ntambara yo muri Ukraine.

Umuyobozi mushya w’u Budage, Friedrich Merz, wo mu ishyaka rya gikirisitu riharanira demokarasi (CDU), mu mpera z’icyumweru gishize yavuze ko yiteguye kugeza missiles za Taurus muri Ukraine mu gihe byaba bikozwe ku bufatanye n’abafatanyabikorwa b’u Burayi.

Abayobozi b’i Burayi nka Minisitiri w’ububanyi n’amahanga w’u Buholandi, Caspar Veldkamp na Minisitiri w’intebe wa Pologne, ​​Radoslaw Sikorski, bishimiye ibyatangajwe na Merz ku itangwa rya Taurus mu nama yabereye i Luxembourg ku wa Mbere.

Taurus KEPD-350 ni missiles zifite ubushobozi bwo kugenda ku muvuduko wa kilometero 1.170 (727 miles) ku isaha kandi zishobora kurasa igipimo kiri kuri kilometero zigera muri 500.

Bisobanuye ko missiles za Taurus zafasha Ukraine kugaba ibitero imbere kure ku butaka bw’u Burusiya.