Ukraine kuri uyu wa Gatanu yatangaje ko yashyikirijwe n’u Burusiya imirambo 502 biciwe mu ntambara ibihugu byombi bihanganyemo.

Sponsored Ad

Ni amakuru yemejwe n’ibiro bikuru bya Ukraine bishinzwe guhuza ibikorwa byerekeye amasezerano y’imfungwa z’intambara, muri raporo byasohoye kuri uyu wa Gatanu.

Iyo raporo ivuga ko "nk’umusaruro w’ingamba zo gucyura [abasirikare], imirambo y’abasirikare 502 baguye ku rugamba yagaruye mu turere tugenzurwa na Guverinoma ya Ukraine."

Imirambo Ukraine yahawe ni iy’abasirikare biciwe n’ingabo z’u Burusiya mu turere twa Donetsk, Luhansk na Zaporizhzhia.

Barimo 397 biciwe muri Donetsk, 24 biciwe muri Luhansk, 64 biciwe muri Zaporizhzhia na 17 baturutse muri ’morgues’ zo mu Burusiya.

Ukraine yashimye Komite Mpuzamahanga ya Croix Rouge yayihaye ubufasha bwo kubona iriya mirambo.

Yunzemo ibifashijwemo n’inzobere igomba kuba yamenye imyirondoro ya bariya basirikare vuba bishoboka.