Kuva tariki ya 10 kugeza ku ya 12 Ugushyingo 2025, u Rwanda ruzakira inama ya 19 ihuza abayobozi b’amashuri makuru ya gisirikare yo ku mugabane wa Afurika.

Iyi nama nyarukamwaka igamije guteza imbere ubumenyi, amahugurwa n’iterambere ry’umwuga w’igisirikare. Inafasha mu guteza imbere ubufatanye no guhuza imikorere hagati y’amashuri makuru ya gisirikare.

Iy’uyu mwaka ifite insanganyamatsiko igira iti: “Ejo hazaza h’amahugurwa n’amasomo ya gisirikare muri Afurika: Gukuraho icyuho cy’ikoranabuhanga.”

Iyi nama yateguwe n’Ingabo z’u Rwanda izaba urubuga rwo gushimangira ubufatanye no kwagura imitekerereze.

Minisiteri y’Ingabo z’u Rwanda yasobanuye ko iyi nama izanafasha mu guteza imbere ubushakashatsi n’udushya mu myigishirize ya gisirikare, hagamijwe gukuraho icyuho cy’ikoranabuhanga mu guhangana n’ibibazo bigenda bivuka ku rwego mpuzamahanga n’akarere.

Yagize iti: “Abazitabira inama bazaganira ku mahirwe yo gushyiraho ibyemezo n’uburyo bw’imikoranire bihuriweho, bigamije gukomeza ubufatanye mu mahugurwa n’imyigishirize mu bya gisirikare.”

Uretse abayobozi b’amashuri makuru ya gisirikare, iyi nama izitabirwa n’abahagariye urwego rushinzwe umutekano n’amahoro mu muryango wa Afurika Yunze Ubumwe (AU), inzobere mu bya gisirikare, abafatanyabikorwa mu bya gisirikare n’abahanga mu by’umutekano w’akarere.

Umuyobozi w’Ishuri Rikuru rya Gisirikare ry’u Rwanda, Brig Gen Andrew Nyamvumba