Inkura z’umweru 70 zakiriwe n’u Rwanda zamaze kugezwa muri Pariki y’Igihugu y’Akagera, zije mu mushinga wo gutuma iyi Pariki iba ubuturo bunogeye izi nyamaswa.
Izi Nkura 70 zavanywe muri Afurika y’Epfo zakiriwe n’u Rwanda mu byiciro bibiri byakozwe mu minsi itatu, aho muri buri cyiciro hazanywe Inkura 35 nk’uko byatangajwe n’Urwego Rushinzwe Iterambere mu Rwanda RDB.
Iki gikorwa cyo kuzana izi Nkura, cyakozwe ku bufatanye n’Ikigo Nyafurika gishinzwe za Pariki ‘African Parks’ ndetse na RDB.
Urwego (...)

Sponsored Ad

Inkura z’umweru 70 zakiriwe n’u Rwanda zamaze kugezwa muri Pariki y’Igihugu y’Akagera, zije mu mushinga wo gutuma iyi Pariki iba ubuturo bunogeye izi nyamaswa.

Izi Nkura 70 zavanywe muri Afurika y’Epfo zakiriwe n’u Rwanda mu byiciro bibiri byakozwe mu minsi itatu, aho muri buri cyiciro hazanywe Inkura 35 nk’uko byatangajwe n’Urwego Rushinzwe Iterambere mu Rwanda RDB.

Iki gikorwa cyo kuzana izi Nkura, cyakozwe ku bufatanye n’Ikigo Nyafurika gishinzwe za Pariki ‘African Parks’ ndetse na RDB.

Urwego rushinzwe Iterambere mu Rwanda, RDB; rutangaza ko iki gikorwa kibaye icya mbere mu kuvana Inkura mu gace kamwe zijyanwa ahandi ku Mugabane wa Afurika gikozwe n’iki Kigo African Parks.

Iki gikorwa cyakozwe mu mushinga wa ‘African Parks’ Rhino Rewild Initiative, cyatewe inkunga n’Umuryango w’Umuherwe Howard G. Buffet Foundation, muri gahunda yo kongera umubare w’Inkura z’umweru muri Pariki y’Igihugu y’Akagera ikanakomeza kugira uruhare mu bikorwa byo kubungabunga urusobe rw’ibinyabuzima by’umwihariko izi nyamaswa z’Inkura.

Intego ya Rhino Rewild Initiative, ni ugufasha inkura 2 000 kugira ituze, kandi zikagira ubuzima bwiza ku Mugabane wa Afurika, byumwihariko izi Nkura zo mu Bwoko bwa ‘southern white rhinos’ zikabungwabungwa ndetse zikagira uruhare mu gukomeza kugarura urusobe rw’ibinyabuzima bigenda bicyendera.

Muri 2021 iki kigo African Parks cyazanye mu Rwanda Inkura z’umweru 30 muri Pariki y’Akagera, aho kugeza ubu izi nyamaswa zimaze kugera kuri 41.

Umuyobozi Mukuru wa RDB, Jean-Guy Afrika yavuze ko iki gikorwa cy’amateka cyo kuzana izi Nkura, gishimangira umuhate w’u Rwanda mu kubungabunga urusobe rw’ibinyabuzima.

Yagize ati “Intego yacu mu gusigasira ubwoko bw’inyamaswa buri kugenda bushira, inahuye cyane n’icyerekezo cyacu cyo kugira ubukerarugendo bushikamye aho ibice birinzwi kandi bibungwabungwa neza nka Pariki y’Igihugu y’Akagera, hagira uruhare mu kugira agaciro yaba ku bahasura ndetse no ku bahaturiye.”

Jean-Guy Afrika yavuze ko iyi ari indi ntambwe ikomeye itewe mu ntego z’u Rwanda zo kuba Igicumbi cy’ahantu ho gusura ndetse hanogeye ubukerarugendo.