Umuvugizi w’Ingabo z’u Burundi, Gen Gaspard Baratuza, yatangaje ko hari ububiko bw’intwaro bwo mu kigo cya gisirikare cyo mu gace ka Musaga bwafashwe n’inkongi y’umuriro, intwaro zirashya.

Amakuru y’iri turika ry’ububiko bw’intwaro yamenyekanye ku wa 31 Werurwe 2026. Ububiko bw’intwaro bwahiye ni ubuherereye mu kigo cya gisirikare kizwi nka ‘base’ mu Mujyi wa Bujumbura.

Umuvugizi w’igisirikare cy’u Burundi, Gen Gaspard Baratuza yabwiye Reuters ko “Impanuka ikomeye ishingiye ku muriro w’amashanyarazi yibasiye ububiko bw’intwaro muri Musaga niyo ntandaro yo guturika kuri kumvikana hirya no hino i Bujumbura.”

Ubutumwa bwanyujijwe kuri konti ya X ya Minisiteri y’Umutekano imbere mu gihugu mu Burundi, buvuga ko “Hari ibirimo guturika kubera umuriro wadutse mu kigo cya gisirikare i Bujumbura. Abari mu Mujyi wa Bujumbura mutekane ntihagire ibindi byago mutera, birimo birakurikiranwa.”